Siz aytgandek hammaga dil qo‘ydim ona,
Yomon ishni yaxshilikka yo‘ydim ona.
Azoblarim to‘lib ketdi yuragimga,
Soxtalardan bugun juda to‘ydim ona.
Ko‘p kechirdim boy berdi har imkonini,
Karvonsaroy qilib ko‘nglim makonini.
Jilmayishib sanchishadi tikonini,
Soxtalardan bugun juda to‘ydim ona.
Foydam uchun olqishlashib alqashadi,
Foydam tegmay qolsa o‘rnim almashadi.
Ko‘zlarimga qarab turib aldashadi,
Soxtalardan bugun juda to‘ydim ona.
Sevganim vos kechmoqlikda biroz shoshdi,
Yaqinlarim sirim sotib haddan oshdi.
Axir sabrim kosasi ham to‘lib toshdi,
Soxtalardan bugun juda to‘ydim ona.
Qaddimizni baland tutsak shumlik bo‘ldi,
Hurmat qilsak tillarida ,,qullikʼʼ bo‘ldi.
Keragida oqibat ham pullik ekan,
Soxtalardan bugun juda to‘ydim ona.
Yonginamda maqtab poyim yaladilar,
Yo‘qligimda g‘iybat qilib taladilar.
O‘lmay turib qabrimga tosh qaladilar,
Soxtalardan bugun juda to‘ydim ona.
Kerak bo‘lsa Odilbek ko‘p suyuladi,
Ishi tushsa do‘st qovog‘i uyuladi.
Faqat sizda niqob yo‘qdek tuyuladi,
Soxtalardan bugun juda to‘ydim ona.
✍ Odilbek Qodirov
🎙Shahina Bahodirova
Негізгі бет Soxtalardan bugun juda to‘ydim, Ona...
Пікірлер: 3