اليوم وعيت شي الساعة 9:30
أول شي، ومتل العادة، تطلعت على تلفوني وبعتت رسايل لكم شخص.
من بعدها غسلت وجي وحطيت كرماتي ولبست شورت وتشيرت لروح ع البحر.
بس غيرت رأيي لأنو الطقس ما كان كتير حلو. درجة الحرارة كانت 15 وكان في هوا بارد.
فضليت بالبيت وما بعرف ليش ما ضهرت كل النهار. يمكن كرمال هيك حاسة حالي شوي مخنوقة أو مفقوسة.
يمكن حاسة هيك لأنو كمان ما عملت حركة اليوم/ما تحركت اليوم.
بس كان نهار كتير منيح كشغل.
غايتو...
تروقت مأخر. أكلت بيض مسلوق مع سلطة وجبنة وتوست.
من بعدها، قعدت عالكومبوتر وشتغلت منيح.
بعتت دروس هالجمعة لتلاميذي.
صلحت النصوص لحطهن تحت الفيدوهات يلي عملتهن آخر سبع تيام.
بس خلصت، تلفنت لأهلي. كانوا مجمعين مع الجيران والأصحاب وعم بيتغدوا مع بعض. شتقت لهالقعدات.
شو كمان عملت؟
ضهرت عالتراس وتشمست مع إنو كان في هوا شوي مزعج. هو كان الهواء كتير حلو، بس لإني كنت لابسة المايو، ما قدرت ضاين كتير. حطيت زيت على شعري وقعدت شي ساعة. بعدين، حطيت تيابي بالغسالة.
من بعدها، طلعت عالأوضة، فتحت الكمبيوتر وسجلت الأوديوز لكتابي (التسجيلات). سجلت شي ساعتين ونص. صرت هلأ بالدرس الخمسة وعشرين. بعد في خمس دروس لازم سجلهن وبخلص. بدي خلص قبل ما يخلص الشهر.
من بعدها عملت مساج أنا وعم بتسمع على أول شي بودكاست عن الديسبلين/الإنضباط وبعدين أغاني لبنانية، وتحممت. وهلأ عم بحكي معكن ورح اتعشى، وحط كراماتي ونام.
Негізгі бет Speaking and Listening
Пікірлер: 6