I have always wanted to write a spoken word poetry piece about environmental issues and somehow I couldn't find the right place to start. It wasn't until yesterday when I learned about the Amazon forest fires that I really felt the burning urge (pun intended) to write. It usually takes me longer than 2 days to write a complete piece but I guess this one's an exception.
#PrayForTheAmazon
LYRICS:
"Ang Gubat, ang Apoy at ang Tula"
Naniniwala akong kapag ang isang puno ay natumba sa liblib na kagubatan
at walang sinuman ang nakarinig ng kanyang pagbagsak
hindi ibig sabihing hindi nito sinubukang umiyak.
Kung may kakayahan lang tumupok ng apoy
ang pagbigkas ng tula,
iaalay ko ang piyesang ito sa kagubatan.
ihahandog ko sa berdeng kalawakan
ang bawat berso at taludturan ng aking tapang
dahil hindi ko hahayaang manahimik ang aking puso
habang malayang sumasayaw ang pulang tuso
sa likod ng tabing ng makapal na usok
na kung tawagin ay kawalang-malasakit
Kung may kakayahan lang tumupok ng apoy
ang pagbigkas ng tula,
magsusulat ako ng isang dagat ng tugma.
Magtatanghal ako ng isanlibong ulit
hanggang sa magsawa ang pugon
sa bawat tugon
na walang sawa kong ibubuhos sa kanyang kasakiman
hanggang sa maubos ang lahat ng kanyang mga palusot at dahilan
Kung may kakayahan lang tumupok ng apoy
ang pagbigkas ng tula,
Makikipagbalgtasan ako sa ulan
Aanyayahan ko ang bawat ulap
na naniniwalang mayroon pang pag-asa
kukumbinsihin ang bagyo na ang bitbit niya
ay hindi pagkawasak kundi lunas
Kung may kakayahan lang tumupok ng apoy
ang pagbigkas ng tula,
Tawagin mo akong bumbero
Tawagin mo akong makata
Tawagin mo akong hangal na sinusubukang isigaw ang bawat pantig
na parang ito'y katumbas ng isang baldeng tubig
at ang bawat taludturan ay isang ilog na ang nais lamang
ay matupok ang apoy sa mga nagliliyab kong baga
Kung may kakayahan lamang ang tula
na pakalmahin ang mga kahoy na nagbabaga
hindi ko titigilan ang paglikha at pagsulat
hanggat hindi ko nasasagip ang bawat sulok ng gubat
hanggat malayang naisasayaw ng pula ang itim, at ng itim ang abo
hanggat may nagliliyab na trosong nakaharang sa mga mata ko
hanggat hindi pa nagigising ang mundo
sa katotohanang unti unti nang nilalamon ng katakawan natin sa kayamanan
ang katibayan ng kinabukasan
kung ang apoy ay kamangmangan at ang kagubatan ang ating talino
huwag na tayong magturo at manisi ang kunsino sino,
tao ang hugis ng anino
Alam ko
Walang kakayahang tumupok ng apoy ang pagbigkas ng tula,
Wala itong kakayahang ibalik ang lahat ng nawala
Pero sa kabila ng lahat ng hindi kayang gawin ng pagsasalita
naniniwala parin akong may kapangyarihan ang pagtula
Alam kong malabong makarating sa kagubatan
ang alingawngaw nitong aking pakiusap
kaya't sa halip na utusan ko ang hangin at mga ulap
ikaw
ang pinili kong makausap
Dahil alam kong ikaw ay may pakialam
At yun lamang ang kailangan mo
upang marinig ang kanilang iyak.
Негізгі бет Ойын-сауық Spoken Word Poetry: "Ang Gubat, ang Apoy at ang Tula” #PrayForTheAmazon
Пікірлер: 126