Алматыда 9 сыныптың оқушылары мектептің дәретханасына бұрышты баллон сеуіп, соның кесірінен жеті бала уланып қалған. №96 мектептің басшылығы балалардың сперейді қалай кіргізгенін байқамай да қалдық дейді. Білім ордасын шулатып бүкіл қаланың жедел жәрдемі мен тәртіп сақшыларын табанынан тік тұрғызған оқушылар бұл әрекеттерін қызық үшін жасадық деп ақталыпты.
Білім ордасының алдында таңертеңмен тұрған жедел жәрдем көлігі мен тәртіп сақшылары көпшіліктің бірден үрейін ұшырған. 9 сыныптың екі оқушысы қоңырау кезінде дәретхананың ішіне кіріп, балалардың жоғын пайдаланып көзді ашытатын бұрышты баллон сеуіп кеткен. Ал, одан кейін кірген 10 сыныптың оқушысы бірден мұрнын жауып басшыларына айтуға жүгіріпті. Дәретханадан ауа арқылы тараған иіс жақын маңдағы кабинеттегі балаларға бірден әсер еткен.
ГҮЛЖАН СЛАМҚҰЛОВА, №96 жалпы білім беретін мектеп директорының тәрбие ісі жөніндегі орынбасары:
- Сразу балаларды далаға шығардық. Далаға шығарғаннан кейін терезелерді ашып, жедел жәрдем шақырта бастадық. Өйткені балалар уже қатты жөтеліп бастады.
Мектеп басшылығы орнатылған бейнекамералардың арқасында оларды бірден тапқан. Сонымен бірге үшінші оқушының сөмкесіне бұрышты баллонды жасырғанын да анықтап, құзырлы орган өкілдерінің қолына тапсырыпты. Жасөспірімдердің мұндай әрекетінен кейін білім ордасындағы 7 оқушы жәдел жәрдем көлігімен ауруханаға жеткізілген. Олардың 4-і жағдайларының жақсарғанына байланысты үйлеріне жіберіліп, қалған үшеуі дәрігерлердің қарауында жатыр.
ҚҰРМЕТБЕК ТОҚТАР, Алматы қаласы балалар шұғыл медициналық ЖӘРДЕМ орталығының бөлім меңгерушісі:
- 3 бала келіп жатқызылды. Үш баланың да жағдайы орташа қалыпты. Қазіргі таңда керекті барлық ем-шараларды алып жатыр. 16:55 Бұрыш қосылған газбен уланған балалар. Ауруханада 3-4 күн болады.
Мектеп қабырғасына қауіпті зат кіргізіп, өзге оқушыларға зиян келтірген екі бала бұл әрекеттерін қызық ретінде жасап көрдік деген екен. Алайда, жеткіншектер құр сөзбен жазадан оңай құтылып кете алмайды.
САЛТАНАТ ӘЗІРБЕК, Алматы қаласы полиция департаментінің ресми өкілі
- Оқушының ата-анасына қатысты ҚР Әкімшілік кодексінің 127-бабына сәйкес шара қолданатынын айтады. Сонымен қатар материал кәмелетке толмағандар істер жөніндегі комиссияның қарауына жіберіледі.
БАУЫРЖАН ЖАҚСЫМБЕТ, тілші:
- Оқиғадан қатты шошып қалған мектеп ұжымы дәретхананың есігін құлыптап тастапты. Білім ордасына келген балалардың сөмкесін камера арқылы тексереміз деген мамандар, қауіпті заттың қалай кіріп кеткенін білмей дал. Сонымен бірге бұл спрей суық қару есебіне кірмесе де, балалардың қолдануына тыйым салу қажет дейді мектеп басшылығы.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
Негізгі бет Спрейді қызық үшін шашқан! Алматыда 9 сыныптың оқушылары бұрышты баллонға уланып қалды
Пікірлер: 23