ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
سر تعلق النرجسي بأمه
ازاي النرجسي متعلق كدة بأمه وأهله كلههم أحيانا وفي نفس الوقت هم بيكرهوا بعض ومعندهم أي مشاعر وبيكون فيه صراعات دايما تحت السطح؟
ليه وازاي النرجسي بيكون متعلق بأمه ومطيع لها بالشكل اللي بنشوفه واحيانا باخواته وخصوصا الاختاللي بتكون قريبة من الام او الأخت النرجسية واللي غالبا بتاخد دور الام بعد وفاتها .
عشان نفهم السر دة لازم نفهم طبيعة العلاقة بين النرجسي وامه كانت شكلها ايه في طفولته ، اذا الام كانت سوية وكانت بتلبي احتياجاته كطفل بشكل جيد فطبيعي ان علاقته بيها بتفضل فيها تعلق وبيتطور التعلق دة اكتر لو كانت الام قوية وقادرة تحافظ على حدودها معاه وعارفة ازاي تحجمه وبيكون وضعه هنا تعلق وخوف في نفس الوقت وبيسمع كلامها فعلا وبيعمل لها الف حساب لان من سمات النرجسي انه بيميل لانه يحافظ على علاقته باللي اقوى منه ولو كمان الام كانت متعاطفة وبتدي اهتمام ورعاية او بتساعده ماديا وبتدعي له وبتبين له مساندتها باستمرار فدة بيعلقه بيها اكتر ولما بتكون سوية بيكون وجودها من مصلحة زوجة ابنها لانها كلمتها بتكون مسموعة ، طيب لو كانت الام نرجسية وكان النرجسي الابن الذهبي فدة بيخليه متعلق بيها ومدمنها كمان لانه بيحصل منها على التقدير والاهتمام الاوفر وفي نفس الوقت هي كنرجسية فاهمة احتياج ابنها ودايما شايفة انه امتدادها وانه شبهها وهي الوحيدة اللي فاهماه فهي فعلا بتعرف تمشيه بالريموت كنترول لانها فاهمة احتياجاته وفاهمة امتى تلبيها له وامتى تمنعها وهي كأم فاهمة ابنها من يوم ماتولد ودارساه بالظبط زي ما النرجسي بيدرسك ، فإذا انتي كزوجة ادمنتي النرجسي من اول سنة عرفتيه فيها فما بالك باللي عايش مع امه ٣٠ سنة مثلا او اقل او اكتر ، وهي مصدر كل شيء له في الحياة او دة اللي هي زرعته جواه من وهو طفل ،طيب ولو كان النرجسي ما تمش تلبية احتياجاته الأساسية والعاطفية وكان مش الطفل الدهبي وكانت طفولته سيئة جدا فبنلاقي النرجسي بيعمل حاجة اسمها التكرار القهري هو عايز يحصل ع الاحتياجات اللي ما اخدهاش وهو طفل وكل مايحاول يحصل عليها يلاقي امه او اهله بيصدوه وبيعنفوه وممكن يستهزأوا بيه ويؤذوه ويرجع تاني يحاول ويحصل على نفس النتيجة عشان كدة حالات كتير تقول ان النرجسي بيتمنى لاهله الرضا وهم بيبهدلوا فيه وبيستغلوه وواخدين فلوسه وبرضه هو بيرجع لهم ويديهم ويخدمهم وعامل لهم مداس وبيسمع كلامهم ومش بياخد منهم غير الأذى ودة لانه مصاب بالتكرار القهري(يعني بيكرر نفس الموقف عشان يحصل على نتيجة مغايرة ولكن هو بيكرر نفس التصرف فمستحيل حيحصل على نتيجة مغايرة ، دة غير ان الاهل لما بيكونوا نرجسيين واولهم الام بيعملوا هوفرينج للابن النرجسي اللي بيستفيدوا منه وبيشتغلوا معاه سخن بارد زي ماهو بيعمل معاكي بالظبط فيعاملوه النهاردة احسن معاملة وحب وهيام واهتمام وشكرانية وبكرة يقلبوا عليه بدون أي سبب وهنا بتتكون رابطة الصدمة ودة يزود تعلقه بيهم وهو أصلا مش فاهم اللي بيحصل لانه اللي بيتحكم فيه هرمونات مش تفكير ولا عاطفة ، لكن في النهاية برضه هو له مصلحة عندهم كمان لانه بيستخدمهم ضدك سواء تثليث او هم يكسروا فيكي من غير ماهو يبذل طاقة ومجهود في تكسيرك او هو يبان لك انه بيحبك ومش عاجبه اللي بيعملوه بس مايقدرش يعمل حاجة دول اهله او يكونوا مصدر عظيم للمشكلات اللي ملهاش سبب بدل مايقعد يفكر يخترع مشكلة فأهله موجودين المشاكل معاهم ملهاش حصر ،
كمان التشابه الوراثي والأخلاقي بين النرجسي وأهله بتخليه يحب التواجد في وسطهم لانه بيحس ان هي دي البيئة الطبيعية ويطمن نفسه ان هو طبيعي والناس زيه اهي وانتي اللي مش طبيعية وان الطبيعي عندهم هناك وكمان بيحس انهم زيه نفس مستوى الاخلاقيات والحقد والحسد فمش بيحس بالنقص اللي بيحسه معاكي عشان كدة كتير منهم بيهرب من عندك ويروح بيت اهله ويقعد هناك بالشهر ومش عايز يرجع بيته
ضيفي بقى لكل دة ان النرجسي نموه النفسي واقف عند الطفولة والطفل امتر حد بيحتاجه في حياته هي امه حتى لو كانت قاسية ولو مش بتديه اللي هو عايزه الا انه كطفل ادراكه العاطفي ادراك طفل فمازال مستني ياخد منها اللي ما اخدهوش ولا عمرها حتديهوله
فالعلاقة بينهم فعلا زي ما الأبحاث بتقول علاقة معقدة وكتير جدا بتكون مش مفهومة لان أحيانا بعض النرجسيين بيكونوا أصلا كارهين للمرأة بسبب امهاتهم ومع ذلك متعلقين بيهم تعلق مرضي ، بس برضه لما نرجع لضحية النرجسي بنلاقيها عايشة سنين طويلة معاه ومش فاهمة انه بيؤذيها ومتعلقة بيه تعلق مرضي وعندها مشاعر متضاربة بحبه وبموت فيه ونفسي اهرب من بيته واعيش بعيد عنه بس ماقدرش ابعد عنه ،حاجة كدة شبه الجنون، ودة نتيجة التشويه اللي بيحصل للادراك والوعي في العلاقة دي ،
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات
Негізгі бет سر تعلق النرجسى بأمه
No video
Пікірлер: 107