إسرائيل تساوم السيسي !!
______________________________
🛑 إعتقال
_____________________________
🛑 اللي خاف منه نتنياهو حصل ..
المدعي العام للمحكمة الجنائية الدولية قال في تصريحات لشبكة سي إن إن الأميركية إن المحكمة تسعى لإصدار أوامر اعتقال ضد زعيم حركة حماس يحيى السنوار وإسماعيل هنية ومحمد ضيف ونتنياهو ووزير الدفاع الإسرائيلي يوآف جالانت بتهمة ارتكاب جرائم حرب وجرائم ضد الإنسانية،
🛑 دي المرة الأولى اللي تستهدف فيها المحكمة الجنائية الدولية إسرائيل،
🛑 خد بالك إسرائيل وامريكا مش أعضاء في المحكمة الجنائية الدولية
بتمتع بالولاية القضائية على غزة والقدس الشرقية والضفة،
🛑 القرار حتى لو مش هيتنفذ لكنه صفعة كبيرة لنتنياهو لكن كمان لهمية لأنه مسؤول سياسي وهيكون عبء على كل دولة يتواجد فيها.
🛑 القرار خرج بعده ردود أفعال قوية أولها من أمريكا ..
📌 فقال بايدن إن القرار شائن ومرفوض وسوى بين حماس وإسرائيل،
📌 وقالت وزارة الخارجية الأمريكية إنّ المحكمة الجنائية الدولية ملهاش سلطة قضائية على إسرائيل،
📌 وقال بلينكن إن القرار هيعطل الوصول لوقف إطلاق النار،
🛑 أما في إسرائيل فإعتبره نتنياهو مش موجه ضده إنما ضد إسرائيل وبيستهدفها،
القرار كان في مصلحة نتنياهو داخليا ووحد المعارضة والحكومه ضد القرار،
🛑 فقال بيني جانتس إن القرار هيكون جريمة تاريخية
📌 أما زعيم المعارضة يائير لابيد فقال مش هنسكت على القرار وده فشل سياسي فادح، وطالب جانتس بمغادرة الحكومة اليوم.
🛑 وطبعاً رفضته حماس وقالت إن القرار سوي بين الضحية والجلاد !!
🛑 إحتلال فيلادلفيا
__________________________
🛑 رغم نفي مصر إحتلال إسرائيل محور فيلادلفيا وكلام اللواء سمير فرج عن عدم سيطرة إسرائيل عليه إلا نص ساعة وخرجت ..
🛑 تقريرإذاعة الجيش الإسرائيلي قال إن قوات الجيش الإسرائيلي من الفرقة 162 وصلت إلى عمق رفح، وهي الآن في محيط منطقة البرازيل،
واستولت بالفعل على تلتين محور فيلادلفيا اللي بتسيطر عليه فعلا زي ما قالوا !!
🛑 وتزامن التقدم العسكري الإسرائيلي ده مع زيارة مستشار الأمن القومي الأمريكي جاك سوليفان إلى إسرائيل ومقابلة نتنياهو ووزير الدفاع وتهجير إسرائيل ل950 ألف غزواي من رفح لحد دلوقتي !!
📌 تهديد مصر
________________________
🛑 مسؤول إسرائيلي قال لصحيفة جلوباس الإسرائيلية إن السيسي بيعاني من نقص في الفاز وإنقطاع الكهرباء وإن الغاز آداة سياسية مهمة في إيد إسرائيل،
🛑 وقال إن إسرائيل بتستخدم 3 خطوط أنابيب لتصدير الغاز: خط أنابيب غاز شرق المتوسط، بسعة حوالي 5.5 مليار متر مكعب سنويا وبيستخدم للتصدير إلى مصر،
وهيتم خلال 3 سنين بناء خط أنابيب جديد إلى مصر بسعة حوالي 6 مليار متر مكعب سنويًا.
🛑 طبعا الانابيب دي مش بس للتصدير لمصر إسرائيل أصلا بكل ده خلقت اعتماد إسرائيلي كامل على مصر في تصدير الغاز،
🛑 عشان كده بيقول المسؤول الإسرائيلي إنه ولسوء الحظ فالاعتماد على الغاز منفعة متبادلة مع إسرائيل،
🛑 لكن رجع وقال الموقع إن جلب مصر سفينة لتزويدها بالغاز من البحر عشان قطع الكهرباء كان سيناريو لحد وقت قريب يبدو سخيف في الحالة المصرية،
وبيكشف حجم أزمة الكهرباء في مصر،
🛑 دخول مصر في قضية جنوب أفريقيا ضد إسرائيل خلى كتير داخل إسرائيل يطالب باستخدام كل أوراق الضغط على السيسي ومنها ملف تصدير الغاز !!
🛑 وإن كان مسؤول طاقة إسرائيلي قال للموقع إحنا عندنا عقود مع المصريين ومش ببساطة نقفل ونفتح المحبس عليهم وقت ما نحب !!
🛑 إحتلال الإسكندرية
_________________________
🛑 الجيش الإسرائيلي من بداية الحرب قام بتعطيل نظام تحديد المواقع العالمي (GPS) داخل إسرائيل
🛑 التعطيل ده خلق حالة فوضى في الخدمات المعتمدة عليه لدرجة بدأت تظهر المناطق الإسرائيلية على أنها في مصر،
🛑 تبقي سايق في تل أبيب مثلا وونشغل GPS فيقولك إنك في القاهرة !!
🛑 الإعلام الإسرائيلي نقل عن مواطنين في إسرائيل إنه فوجئ في بئر السبع إنه الموقع قدامه هو الإسكندرية في مصر !!
🛑 مصر كمان بدأت تعطل ال gps في أجوائها !!
وقالت صحيفة daily news إن الطيارين في الخطوط الجوية الأمريكية إشتكوا إن أنظمة تحديد المواقع (GPS) تتعطل أحيانًا فوق مصر،
🛑 الجيوش عموما تقدر تستغل إشارات نظام تحديد المواقع العالمي (GPS) لتوجيه القوات البرية وده بتعمله أمريكا، كمان ممكن يتم استخدامه
في تحديد موقع السفن الحربية أو ملاحة الطائرات،
🛑 ومعروف إن شركة جوجل بتوقف نظام الخرائط بتاعها فوق إسرائيل أو بتظهرها كصحراء عكس باقي دول العالم !!
🛑 مصر تستفيد
__________________________
🛑 صحيفة جيروزاليم بوست بتقول إنه ومن المفارقة أن مصر هتستفيد من أي نتيجة تقريباً في غزة،
إذا تم منع عملية رفح وتم التوصل إلى اتفاق، فالفضل هيعود إلى حد كبير إلى السيسي، وبالتالي رفع هيبة مصر،
🛑 وإذا واصلت إسرائيل عملية رفح ونجحت في القضاء على حماس، فده هينسجم مع المصالح المصرية، رغم أنها مش هتقول ده علناً،
🛑 لكن اعتقد ان اكتر شئ مخيف لمصر دلوقتي هو الميناء الأمريكي !!
🛑 وزير الخارجية المصري الأسبق، نبيل فهمي، قال أن الميناء ده تم بتفاهم أميركي - إسرائيليي لدعم السيطرة الإسرائيلية»،
🛑 وقال إن دلوقتي «جميع المعابر تحت سيطرة إسرائيل أو يسيطر عليها أصدقاء إسرائيل وده تم من غير أي تفاهم مع مصر
🛑 خد بالك السيطرة على معبر رفح من اهدافها خروج مصر من المعادلة تماما ويكون القرار في غزة بايد إسرائيل وأمريكا وبس.
#السيسي #الجيش_المصري #السعودية #الكويت #البنك_المركزي #المنيا #روسيا #بوتين #اسامة_عسكر #ايران #اسرائیل #اصفهان #لبنان #الدولار #البنك_المركزي #البنزين #الذهب #رأس_الحكمة #السوق_السوداء #جون_المصرى #السيسي #رمضان #الاسعار #السعودية #الامارات #التعويم #راس_جميلة #إيران #الرئيس_الايراني #ابراهيم_رئيسي
Негізгі бет إسرائيل تحتل المعبر وتهدد السيسي بقفل المحبس وقطع الكهرباء والسيارات الإسرائيلية تصل الإسكندرية !!
Пікірлер: 207