වාණිජ වැහිලිහිණි පාලනය
වැහිලිහිණි පාලනය යන වචනය දුටු සැනින් ඔබට හැඟෙන්නේ කුමක්ද? ගව පාලනය කුකුල් පාලනය වටු පාලනය එළු පාලනය යන සත්ව පාලන ක්රම මෙන්ම ලෝකයේ බොහෝ සත්ව පාලනයන් ඇත. නමුත් අද ඉදිරිපත් කරන්නේ ඔබ හොඳින් අසා ඇති නමුත් කිසිදාක වාණිජ මට්ටමේ සත්ව පාලනයක් ලෙස සිදුකරන බව අසා නැති සතෙකු සම්බන්ධවයි.
වැහිලිහිණි කූඩු කැඩීම සහ අලෙවිය ශ්රි ලංකාවේ නීතියට අනුව තහනම් ක්රියාවලියක් වන අතර එසේ සිදුකිරීමෙන් බන්ධනාගාර ගත විය හැකි තරම් දරුණු වරදක් ද වේ. ලෝකයේ බොහෝ රටවල් වැහිලිහිනියා වාණිජ මට්ටමෙන් ඇති කරනු ලබයි. බොහෝවිට සත්ව පාලනයේදී අප ලබාගන්නේ මස් මාළු බිත්තර පිහාටු සහ ලොම් වැනි නිෂ්පාදනයි. නමුත් වැහිලිහිණියන් ගෙන් ලබාගන්නේ ඔවුන් ගේ වාසස්ථානය වන කුඩුය. මෙය සංචාරක කර්මාන්තයේ දී ආහාර සඳහා භාවිතා කරනු ලබන ඉතා මිල අධික ආහාර ද්රව්යයක් වන අතර ශ්රී ලංකාව තුළ ස්වභාවික පරිසරය වැහි ලිහිණියන් සඳහා ඉතාමත් හොඳ වාසස්ථානයක් වේ. අනුරාධපුරය පොළොන්නරුව කුරුණෑගල පුත්තලම හලාවත දඹුල්ල වැනි ප්රදේශවල අතහැර දැමූ ගබඩා, නිවාස තුළ හා පැරණි වී ගබඩාවල, ගල්ලෙන්වල ස්වභාවික වැහිලිහිණි කූඩු දක්නට ලැබේ.
ලෝකයේ වාණිජ මට්ටමේ වැහිලිහිණි පාලනය සිදු කරන ප්රධාන රට වන්නේ ඉන්දුනීසියාවයි මීට අමතරව තායිලන්තය පෙනිසියුලාව වැනි රටවල් ද වාණිජ මට්ටමේ වැහි ලිහිණියන් පාලනය සිදු කරනු ලබයි. ඉන්දුනීසියාව වසරකට ටොන් 20,000 පමණ නිෂ්පාදනය කරන අතර එමගින් ඩොලර් බිලියන 1 ක ආදායමක් ලබයි මීට අමතරව මැලේසියාව ටොන් හයසීයක් ද තායිලන්තය ටොන් හාරසියයක් ද පිලිපීනය ටොන් 5ක් ද නිෂ්පාදනය කරයි. ඇමරිකාව සහ හොංකොං ප්රධාන ආනයන රටවල් වේ. සත්ත්ව පාලනයෙන් වැඩිම වටිනාකමක් සහිත නිෂ්පාදනය වන කැවියර් වලට පසු වැඩිම වටිනාකමක් සහිත නිෂ්පාදනය වන්නේ වැහිලිහිණි කූඩුය. වැහිලිහිණි කුඩු කිලෝ එකක මිල රුපියල් ලක්ෂ 2 කට ආසන්න වේ.
ලෝකයේ ආහාරයට ගත හැකි කුඩු වර්ග සකසන වැහිලිහිණි විශේෂ හයක් ඇත.
A. f. fuciphagus - ජාවා බාලි සහ සුන්දා දිවයින්
A. f. inexpectatus - අන්දමන් දූපත්, නිකොබාර් දූපත්
A. f. dammermani -
A. f. micans - සුම්බා දිවයින
A. f. vestitus - සුමාත්රාව
A. f. perplexus -
මෙම විශේෂ විසින් සකසනු ලබන කුඩු ආහාර ලෙස භාවිතා කරයි. මේ අතර චීනය විශේෂ තැනක් ගන්නා අතර චීන සම්ප්රදායික ආහාර රටාව තුළ වැහිලිහිණි කූඩු සඳහා විශේෂ ස්ථානයක් ඇත.
තාක්ෂණානුකූල ව වාණිජ වගාවක් ලෙස වැහිලිහිණි පාලනය ශ්රී ලංකාව තුළ සිදුකළ හැකි නම් ශ්රී ලංකාවට විශාල වශයෙන් විදේශ විනිමයක් ගෙන්වා ගත් හැක. ශ්රී ලංකාව තුළ ඇති ඇතැම් සංස්කෘතික ආගමික හා නීතිමය බැමි යම්තාක් දුරට ඉහිල් වන්නේනම් කෘෂිකර්මාන්තය සත්ව පාලනය මීට වඩා දියුණු මට්ටමකට ගෙන ආ හැක
අපගේ facebook පිටුව
/ aswanna.page
Негізгі бет වාණිජ වැහිළිහිණි පාලනය | Sri Lanka Agriculture | Swallows |Swallows Soup | Swallows nest
No video
Пікірлер: 18