Түүний аав нь Монгол Үндэсний бөхийн Дархан аварга, Монгол Улсын Хөдөлмөрийн Баатар, Гавьяат тамирчин, Олимпын мөнгөн медальт, алдарт бөх Жигжидийн Мөнхбат юм.
1000 жилийн түүхтэй Японы үндэсний сүмо бөхөд 30-аас дээш түрүүлсэн 2 аварга байдаг бол 1187 даваа авч 45 удаа түрүүлж Японы Эзэн хааны цомыг авсан цор ганц бөх нь "Хакүхо" М.Даваажаргал юм.
Хакүхо нь 2007 онд гурван жил үерхсэн Япон улсын загвар өмсөгч Сайоко Вада-тай гэрлэсэн бөгөөд тэд одоо дөрвөн хүүхэдтэй.
Хакүхо 2019 онд Японы иргэншил авч нэрээ Хакүхо Шо гэж сольсон.
Хакүхогийн хувьд Японы иргэншлийг сонгосон сүмо бөхийн гурав дахь их аварга юм. Өмнө нь АНУ-аас гаралтай хоёр их аварга Японы иргэншилтэй болж байжээ.
Харин Монгол Улсаас сэкивакэ Кёкүтэнхо Н.Цэвэгням, Асасэкирю Б. Дашням нар тус улсын иргэншил авч байв.
Тэрбээр, хэвлэлд өгсөн ярилцлагадаа “Өнөөдрийг хүртэл би Монгол Улсын нэрийг мөрөн дээрээ тээж явсан. Харин одооноос бүхэл бүтэн хоёр улсын нэрийг авч явах болж байна. Энэ бол миний хувьд маш том хариуцлага” хэмээн ярьж байсан юм.
Хакүхо 2021 онд таван амжилтаараа Гиннест бичигдэж байсан.
1. Дээд зиндаанд хамгийн олон удаа буюу 45 түрүүлсэн
2. Дээд зиндаанд хамгийн олон давсан 1093
3. Хамгийн удаан Ёкозуна цолтой байсан 84 башё
4. Нийт давсан тоогоор хамгийн дээд амжилт 1887 даваа
5. Уналгүй босоо хамгийн олон түрүүлсэн 16 удаа
“Японы мэргэжлийн сүмо бөхийн Их аварга Хакүхо М.Даваажаргал 2021 оны есдүгээр сарын 27-ны өдөр зодог тайлахаар болсон талаар “NHK” агентлагаас мэдээлж байв.
Тэрбээр мэргэжлийн сүмо бөхийн дэвжээний эзэн, ояката болж ирээдүйн шилдэг сүмочдыг бэлдэх ажилдаа орж, амжилтын төлөөх шинэ замналаа үргэлжлүүлж байгаа юм.
Негізгі бет Сумогийн 69 дэх их аварга, МУ-ын Хөдөлмөрийн Баатар, Гавьяат тамирчин М.Даваажаргал гэж хэн бэ?
Пікірлер