Համաձայն ավանդության` Սբ. Սարգիս զորավարը, ով հայտնի էր հողմ ու քամի բարձրացնելու իր կարողությամբ, Հունաստանից վերադառնալով Հայաստան, ապաստանում է մի բլրակի վրա, որտեղ փոքրիկ հյուղակ է կառուցում: Սակայն, նկատելով, որ իր բերած հողմերը կարող են վնասել տեղի ծառ ու ծաղկունքին, որոշ ժամանակ անց հեռանում է այդ հովտից: Ասում են` այդ հյուղակը կարող էր գտնվել Ծաղկունք գյուղի միջնադարյան Սբ. Սարգիս մատուռի տեղում, որի կողքին էլ ավելի ուշ կառուցվեց համանուն եկեղեցին:
Հենց այստեղ արդեն որերորդ տարին է` մատուցվում է երիտասարդների հովանավոր Սբ. Սարգսին նվիրված պատարագը, որն այս անգամ կրկնակի խորհրդանշական էր: Այն Տեր Նարեկ քահանա Այվազյանի մատուցած անդրանիկ պատարագն էր մեր գյուղերում, որտեղ նա այսուհետ իրականացնելու է իր ծառայությունը, ինչպես նաև` պատարագի ժամանակ հնչեց մեր գյուղերի մանկական երգչախմբի առաջին շարականային կատարումը եկեղեցում` յուրովի ողջունելով ու բարի ծառություն մաղթելով Տեր Հորը ✨
Սբ. Սարգսի տոնակատարությունները մեկնարկել էին դեռ նախորդ երեկոյան` գլխատանը` թոնրի լավաշի ու գաթայի անուշ բույրով, ծիսական երգ ու պարով, աղի բլիթների ու փոխինձի պատրաստմամբ... հաջորդ օրը այն մատուցվեց քաղցր գնդիկների ու տաք խաշիլի տեսքով... 🍚
Ով` կերավ աղի բլիթը, ով` հասավ իր մուրազին ) բոլորով ուս-ուսի տվեցինք ազգագրական պարերի շուրջպարում, Կայթ համույթի, Թագպարի ու Սեբաստացի համալիրի երիտասարդների երգով ու կոպալի զրնգուն հարվածներով ✊✊
Իսկ դուք ե՞րբ էիք վերջին անգամ աղի բլիթ ու խաշիլ կերել, արդյո՞ք տան մեծահասակները պատրաստում են դեռ, արդյո՞ք աղի բլիթի երազները կատարվել են, պատմե'ք ձեր ընտանեկան պատմությունները ☺️
+37410501500 | press@gagarinproject.am
www.gagarinproject.am | facebook.com/GagarinProjectOfficial
Негізгі бет Սուրբ Սարգիսը Ծաղկունքում. ծիսական տոնախմբություն
No video
Пікірлер: 2