ЕЛУГЕ СӘЛЕМ
Өлеңін және әнін жазған: ЖАНАЙ ӘБДІРАҚИМҰЛЫ
Әнді орындаған әнші: ТӘБӘРӘК ЫСҚАҚҰЛЫ
ЖАНАЙ ӘБДІРАҚИМҰЛЫ: ЕЛУГЕ СӘЛЕМ
Өмірге келдім, өнерді қудым - қызық пен думан көп көрдім.
Сері де болдым, сетер де болдым - басымнан дәурен өткердім.
Қырғи боп ұшып6 қиядан ілдім - қыраны болдым бөктердің.
Енді кеп міне қасына қондым елу деген бір өткелдің.
Онбесім қайран - оймақтай құсым, сайраған бұлбұл таңдағы,
Сондағы қайда жайнаған тұсым, оранған гүлге жан жағы.
Ата-анам - қорған, туысым - орман, тебінім - өзен арналы,
Алшаңдасам да, арқалансам да ешкім бір бөгет болмады.
Жалыным атқан жиырмадан оздым қараған жұртты қарық қып,
Сұғынып дуға, жігініп құрға махаббат іздеп зарықтық.
Ай менен күндей сұлуды құштық, жүректің төрін жарық қып,
Ұйқысыз талай атырдық таңды ойын мен күлкі азық қып.
Орданы бұзар отыздан дағы орғытып өттім өмірім,
Әлемнің бәрі алақанда деп шалқыды көлдей көңілім.
Самал боп естім, сағым боп көштім, саңлағын міндім елімнің,
Асудан асқан, азуға басқан ғұмырын кештім бөрінің.
Қайраған қылыш қырыққа келдім, алыстым талай шабыстым,
Өнері кеніш, өнегесі өріс арыстарменен табыстым.
Сыйлас та болдым, қимас та болдым берекелі үйден бал іштім,
Ақылым ойда, қайратым бойда жонына міндім барыстың.
Елуге келдім елімді ойладым еңбегі болса жегілдім,
Салтымды сақтап, халқымды жақтап қалауын бақтым өмірдің.
Нар болып шөктім, терімді төктім жон жоталардан көріндім,
Ғасырдың жүгін арқалат енді елуім саған еруім!!!
Негізгі бет ТӘБӘРӘК ЫСҚАҚҰЛЫ: ЕЛУГЕ СӘЛЕМ
Пікірлер