مانينة وها مانينة مانينة بنيت قنديل الشريمة زدمت على عاشور في قصرو وبحنانها ورقتها تيهاتو. كلاتلو عقلو وفي سبعة بحور ودراتو طيحتو على راسو وبرجليه ويديه مور حتى دخلتو في قصة نتاع لامور خلاتو وحدو يفرفط و يزعبط حتى تلف الفطور من الصحور ودخلتلو عقلو مسكين في لاوبسيون نتاع الشخور ولا غير قليبو لي يخبط وهو حاصل حصلة الحشرة في شبكة العنكبوت مربوطة واجدة ماتقدر تهرب وما تقدر تتخبط حتى تموت ويجي هو يلقها واجدة كما واجد فوق الطابلة صحن مقلي داخلو الحوت يلتهم واش كاين ومن بعد يدورها يلعب بيار وبابي فوت باه يقتل الوقت ويزرب يفوت حتى خرج قنديل الستوت يحوس ياكلو راسو باالتوسويس ويخليه يحرث في لبلاصة كما التراكتور داخلها غير دمير ودحيس جاء برهان قالو انعل ابليس ما تحكمش لبالو وحدك منين ذاك ابصيلنا للبرلمان باه ماتسهى ماتغيس وخليك من لقمان التيس راه كما لبورطابل بلا لا بيس راه جاي الوقت لي يلعبلك سانك اطروى ويت ينفردلك با الكرسي ويقتلك في يدك الذنوب دوبلي سيس ويردك كما الطفل الصغير هو ياكل المقلي والمشوي وانت يشبعك غير بتيسويس حتى يخرجك من عقلك وعلى المورال يلعبلك واهل المملكة العاشورية كامل تفيقلك ويولي الطفل الصغير في كرش امو ويتحلبلك ويقولك بركاك من التسلهيب والتبلعيط ياعاشور راك وليت مشهور كما حبة المندارينة بلا قشور طايشة في وسط النهار في عز الصيف والشمس حرقتها وهيا ترغي ادخن وتفور قول عليها شاكمة نتاع ترى ولا بابور😂😂💞💞🙏💎🌷🌹🌹🌹🌹🌹🌹🌹👍✌
Пікірлер: 5