7 қыркүйек Көктал ауылдық кітапханасында Т.Бигелдиновтың 100 жылдығына орай "Аспан адамы- Талғат Бигелдинов" атты танымды видеослайд ұйымдастырылды.
Қазақтың текті қыраны, жеті қат көкте жаумен қисапсыз жағаласқанда жүрегі әсте шайлығып көрмеген, ел бағына туған қаһарман ұланы Талғат Бигелдинов Кеңес одағы батыры атағын екі мәрте алған қазақ халқының мақтанышы.
Әскери әуе жолдарын бағындырған, аспан адамы атағына ие болған қаһарман атамыздың есімі әлдеқашан-ақ сол аспан биігіне дейін шарықтап кетті. Анталаған жауға тұтқиылдан соққы беріп, есеңгіреткен есіл ер өз өмірінде 305 рет көкке көтерілген екен.
Бұрынғы Ақмола - Қараөткел төңірегіндегі атақоныс, қазіргі Астана әуежайының орнындағы ескі Майбалық ауылында, Бигелді қарттың әулетінде қазақтың болашақ даңқты ұшқышы Талғат Бигелдинов дүниеге келген.
Соғыс өрті сейілген бейбіт жылдары Талғат Жақыпбекұлы азаматтық авиацияны басқарды. Мәскеудегі құрылыс институтын бітіріп, зәулім ғимараттарды тұрғызуға атсалысты.
Маңдайына ерекше тағдыр жазылған қазақтың осындай арда азаматы болғанына мың да бір шүкіршілік айтамыз. Қарт қыранға қарап бой түзейтін ұлан- ұрпақтарымыз мол болсын!
Негізгі бет т.бигелдиновке 100жыл
Пікірлер: 1