साक्री तालुक्यातील जामदे गावात मागील एक आठवड्यापासून ज्ञानेश्वरी पारायण सप्ताह सुरू होता. दररोज सकाळी ज्ञानेश्वरी पारायणानंतर रोज रात्री निरनिराळ्या आध्यात्मिक विषयावर कीर्तनकारांच्या कीर्तनाचा कार्यक्रमाचे आयोजन होत असे. त्याचप्रमाणे सोमवार दि.२७ रोजी रात्री ८ वाजता ह.भ.प.ताजुद्दीन महाराज शेख यांच्या कीर्तनाचा कार्यक्रम नियमित वेळेत सुरू झाला. कीर्तनाला सुरुवात झाल्यानंतर अवघ्या काही वेळात अचानक त्यांच्या छातीत कळ आल्याने त्यांच्यासोबत कीर्तनासाठी असलेले सहकारी भिला बापू यांच्या मांडीवर ते बसले.
यावेळी उपस्थित ग्रामस्थांनी महाराजांना पाणी दिले. मात्र त्यानंतर त्यांनी डोळे मिटले अन् ते पुन्हा उघडलेच नाहीत. यामुळे तात्काळ त्यांना नंदुरबार शहरातील एका खाजगी रुग्णालयात उपचारासाठी दाखल केलं असता तेथील वैद्यकीय अधिकाऱ्यांनी त्यांना मृत घोषित केलं. महाराष्ट्रातील एक नामवंत मुस्लीम कीर्तनकारांचं कीर्तनाच्या व्यासपीठावर निधन झाल्याने राज्यभर हळहळ व्यक्त करण्यात येत आहे.
दरम्यान, मुस्लीम समाजातील कीर्तनकार म्हणून ताजुद्दीन महाराज यांची वारकरी संप्रदायात ख्याती होती. महाराज हे मुस्लीम समाजाचे असले तरी वारकरी संप्रदायाची जीवनशैली त्यांनी अंगिकारली होती. ते मूळ जालना जिल्ह्यातील घनसावंगी तालुक्यातील जांब समर्थजवळील बोधलापुरी गावचे रहिवासी होते. गावासह औरंगाबादमधील पैठणमध्येही त्यांनी एक आश्रम काढून त्यातून वारकरी सांप्रदायाचा प्रसार-प्रचाराचे काम केले होते.
All rights reserved Ⓒ Aamhi Varkari
महाराष्ट्रातील नामांकित कीर्तनकारांची कीर्तने /भारुड /गवळणी/ सप्ताह साठी "आम्ही वारकरी" या आमच्या Channel ला Subscribe करा
राम कृष्ण हरी
Негізгі бет ताजोद्दिन महाराज शेख यांचे हेच ते शेवटचे किर्तन ! Tajoddin Maharaj Last Kirtan, भावपूर्ण श्रद्धांजली
No video
Пікірлер: 798