#درعا #سوريا #محافظات_سوريا #حوران
المصدر : جيل التسعينات السوري
m.facebook.com...
📌 شعب درعا من "العرب الغساسنة"
من حيث الغالبية العظمى فيها اذا
بدنا نرجع للتاريخ ..
📌 اقدم ديانة تواجدت بالمحافظة
هنن ( اليهود ) وكانوا موجودين
بقرية اسمها " شقرا " وعندن كنيس
يهودي للصلاة موجود لحد اليوم ..
رغم انه تحول لكنيسة مسيحية
بس لسه نجمة داوود والشمعدان
محفورين ع حيطانه ..
📌 بعدين طلعوا الرسل والقديسين
(تلاميذ السيد المسيح) من فلسطين
واجوا لعنا بشّروا بالديانة المسيحية
وكانت درعا اول مدينة بسوريا اعتنقت
المسيحية نتيجة قربها من الأراضي
المقدسة " فلسطين المحتلة " وبنوا
الغساسنة فيها عدة كنائس بهديك الفترة ..
و بيتوزع المسيحيين بدرعا على
اكثر من 15 قرية و عندهن بالمحافظة
حوالي 25 كنيسة لطوائف متنوعة
مبنية من أكثر من الف عام ..
ومقسومين على الشكل التالي :
▪️روم ملكيين كاثوليك 30 %
▪️روم أرثوذكس 60 %
▪️انجيليين بروتستانت 10 %
ومن المشاهير المسيحيين فيها ..
(الممثلة الحورانية القديرة انطوانيت نجيب
ونجم ستار اكاديمي المغني ناصيف زيتون)
📌 لازم تعرف عزيزي انو
1▪️نص مسيحية الشام المقيمين
بأحياء (دويلعة والطبالة) هنن بالحقيقة
كمان حوارنة من قرى درعا بس انتقلوا
عالعاصمة بسبب الوظيفة وفرص العمل ..
2▪️و لازم تعرف انو القديس جاورجيوس
هو (شفيع درعا) واغلب الكنائس فيها
بتحمل اسمه اذا بتلاحظ ..
📌 المسلمين بدرعا متنوعين ..
مقسومين سنة، و الشيعة ( لبنانيين الأصل )
بيسكنوا ببصرى والشيخ مسكين وطفس
والصنمين وغيرها ..
📌 اضافة لتواجد قليل العدد نسبياً
لأبناء (الطائفة المرشدية) سكنوا بأجزاء
من قرى ( بئر السبيل .. و عالقين )
منذ زمن الإحتلال الفرنسي وبداية
انتشار المذهب بهداك الوقت ..
📌 بتضم درعا كمان (جالية فلسطينية) ..
متواجدة من عام 1948 زمن النكبة ..
أصلون بالغالب من أهالي حيفا الساحلية
ع وجه التحديد و بشكلوا نسبة كبيرة
من المحافظة بالمدينة والريف و بارزين
بكل قطاعات الحياة فيها ..
📌 اضافة لتواجد ( البدو ) بنسبة لا بأس بها
خاصة ببعض الأرياف و منطقة اللجاة ..
📌 درعا من اوائل المدن اللي نزح عليها
ابناء ( الجولان السوري المحتل ) من
الستينات مقيمين فيها بالمدينة وبالريف ..
📌 بيسكن بدرعا كمان قوميات متنوعة ..
بعض العائلات فيها من اصول ( كردية
.. و تركمانية.. وأرمنية) وبتلاحظ هالشي
فوراً بالكنية واسم العيلة ولكنهم بالغالب
ما بيعرفوا يحكوا بلغاتهم القومية .
📌اراضي قرى درعا معباية ذهب مدفون
من ايام الرومان و العثمانيين والفرنسيين
📌 تعتبر درعا من المحافظات الغنية جدا ..
نتيجة غربة رجالها بدول الخليج وتحديدا
( الكويت ) والإمارات والسعودية
من فترة السبعينات ...
📌 نسبة منيحة من اهل درعا اعضاء
بالبرلمان السوري و عمداء كليات وجامعات
حكومية و استلموا الوزارات بسوريا
ومناصب رفيعة جداً بالبلد ..
📌 ونسبة ايضا من اهل درعا المسلمين
بيمتلكوا عقارات كتيرة وبيوت بالعاصمة
و ضواحيها وتحديداً .. (بصحنايا)
📌 بتتميز درعا بقلعة بصرى ..
وبحيرة المزيريب و شلالات تل شهاب
و زيزون .. وكثرة السدود (سد سحم وسد
طفس والسد الشرقي) وكثرة المساحات الخضرا ..
وكمان منتجع المياه الكبريتية بمنطقة جباب ..
و مقام الإمام النووي و الجامع العمري
التاريخي و دير الراهب بحيرة و مبرك الناقة ..
📌 مهرجان بصرى السنوي .. بدرعا
استقبل ع مسرحه مشاهير العالم بالغناء ..
متل السيدة فيروز .. و جوليا بطرس و
الفنان الإسباني العالمي خوليو اجلاسيس ..
وغيرهم الكثير ..
📌 درعا منطقة حدودية مع الأردن ..
وفيها معبر نصيب الحدودي والجمرك
لهيك اسمها ( بوابة الجنوب السوري ) ..
📌 وفيها الخط الحديدي الحجازي
لسكة القطارات وبتطلع منها رحلات
مباشرة بالترين عالعاصمة الأردنية عَمّان .
📌 حتى انو شبكة الموبايل بدرعا
أردنية و القنوات التلفزيونية الأرضية
الأردنية بتطلع بدرعا نتيجة قربها الشديد
من الحدود.
📌الجامعات :
▪️ بتضم درعا جامعية (حكومية) للدولة
وتخصصاتها تابعة إدارياً لجامعة دمشق المركزية..
▪️وفيها عدد كبير من الجامعات (الخاصة) ..
📌 بتلاحظ بدرعا وجود (المساجد
والكنائس والكُنس والحسينيات
والمقامات والآثار ) بسبب تنوع الطوائف
و الأديان فيها ..
📌 كمان المدارس فيها متعددة :
▪️ مدارس سورية حكومية
▪️مدارس فلسطينية للأونروا
▪️مدارس الأحد المسيحية
▪️مدارس خاصة بأعداد كبيرة
📌كما انو بتتنوع اللهجات بدرعا
بين السكان ..فمثلاً بتلاقي ..
▪️(اللهجة الحورانية) هي السائدة
▪️وكمان في (اللهجة البدوية) باللجاة
▪️وبعض اهل (منطقة جباب) بيحكوا بالقاف
▪️و(الفلسطينيين) بلهجة بيضا اقرب للشامية.
📌 درعا اسمها الرسمي (حوران)،
والتسمية بالأصل مشتقة من حوريم
يعني وادي الكهوف .. وكانت زمان بتضم ..
"السويداء والقنيطرة والجولان و قرى
ريف دمشق الجنوبي اضافة لإربد والرمثا
والمفرق "الأردنيات" .. هاد كلو اسمو
( اقليم سهل حوران ) يعني كبيرة اكتر
ما تتصور ..
📌 بتشتهر درعا بصنع الراحة ( الحلقوم )
و اللزاقيات و طبخة المليحي والبندورة
الحورانية بطفس، ومشهورة بالعادات
العربية العشائرية الشرقية وكرم الضيافة
وحسن المعشر والإستقبال ..
📌 بدرعا ما بتميز (مين بدوي ومين
فلسطيني ومين شيعي ومين مسيحي
ومين تركماني ومين جولاني ومين حوراني
ومين كذا وكذا).. لأنو في تعايش من زمان
وكل الشعب بنفس العادات والجو العام.
📌 أطلقوا عليها اسم " خليج سوريا "
والبعض سماها ( الكويت الصغيرة )
لكثرة الفيلات والقصور فيها ..
📌 بتتميز درعا ( من قبل الحرب لليوم )
بتطورها من حيث البناء السكني واستقطاب
البنوك و المطاعم و نظافة طرقاتها و قلة
سكانها وارتفاع نسبة التعليم الجامعي
والإغتراب ..
📌 🌿 تحية معطرة لأهل حوران بسوريا والمهجر 🌿
Негізгі бет تعال احكيلك عن درعا || بوابة الجنوب السوري || ما لم تسمع به من قبل عن حوران 🌹🇸🇾
Пікірлер: 446