مصادر:
/ jeelalts3eenatalsouri
#القامشلي .. 🇸🇾💚
📌 مدينة واقعة بشمال
شرق سوريا .. و هي عروس
الجزيرة السورية.
📌 معظم السوريين
بفكروها محافظة وهاد الانطباع العام
الموجود بالاذهان رغم أنها ادارياً بتتبع
لمحافظة الحسكة والسبب أنه
مدينة القامشلي مشهورة و مخدمة كتير.
📌 مدينة حديثة بنوها #الفرنسيين
بس ع أطرافها كان في كنائس سريانية
(بنصيبين وماردين) المدينتين
السوريات اللي محتليتن تركيا
يعني المناطق القريبة منها مأهولة
بالسكان تاريخياً ..
📌القامشلي خليط من #السكان ..
بيسكنها ( العرب والسريان والآشور
والكلدان والكُرد و الأرمن والشيشان
والغجر و التركمان ..والمحلمية و
الماردلية و اليهود والإيزيديين
والصوفيين والإنجيليين والقرباط )
و غيرهن ..
📌 #ملاحظات :
يتواجد الصوفيين الخزنويين
في منطقة ( تل معروف )
اما اليهود فمعظمهم غادروا القامشلي
عام 1992 ولا تزال هناك لجنة
لحماية املاكم ، كما يتواجد
الشيشان في رأس العين بأطراف
القامشلي و في قلبها أيضاً .
📌 فيها #مطار القامشلي الدولي .
📌 #بعيدة عن دمشق
◾سفر 10 ساعات بالسيارة ..
بدون حواجز امنية ولا
كازية عالطريق ..
◾اما مع وقوف بالحواجز
بتوصل الرحلة ل16 ساعة سفر ..
يعني مدينة بعيدة كتيرررررر .
◾او بتنجبر الناس تسافر
6 ساعات عن طريق تدمر ثم
دير الزور لتختصر المسافة بالبر
◾او تستخدم المطار لتسافر
بحدود الساعة بالطيارة المدنية ..
او بطيارة اليوشن العسكرية تبع
نقل البضاعة.
📌 اسمها بخرائط دروس الجغرافية ..
بسوريا ( منقار البطة) ..
📌 بتتنوع فيها اللهجات ..
واللغات واللكنات والابجديات
بسبب تنوع السكان طبعا ..
📌 سموها السريان المسيحيين ..
" زالين ".. و الكرد بسموها ( قامشلو)
والعرب بسموها ( قامشلي)
وكمان في فئات سمتها " القامشلية"
و ناس بتقول عنها " قامشلوكا"
بتختلف التسميات بسبب تعدد
الثقافات.
📌 القامشلي متل الهند
فيها كل الأطياف اللي بتخطر عبالك
📌 اسسوا فيها #اليهود سوق
عزرا للعطارة
📌 اشتغلوا فيها #الأرمن بالتجارة
سواء دهب او تصليح ساعات
او ميكانيك او قماش
📌 وكانوا الأرمن واليهود
والسريان من أوائل التجار اللي
فتحوا أسواق فيها لما تعمرت..
📌و الدور المهم لتنشيط المدينة
و شهرتها وتوسعها هو للعائلات #الكردية
والعشائر #العربية اللي اشتغلوا بالمدينة
و اهتموا فيها و طوروها.. يعني كل مكون
موجود بالقامشلي ساهم بتطورها من
مختلف الأطياف السورية الكريمة.
📌 تعتبر منفتحة اجتماعياً ..
فيها مساجد اسلامية وكنائس مسيحية
و كنس يهودية و مقامات صوفية
و مزارات إيزيدية .
📌 وفي الها ريف مجاور ..
متل مدن (عامودا.. المالكية و الدرباسية) ..
📌 بسموها مدينة الحب..
و باريس الصغرى.. و سوريا الصغيرة..
📌 بالقامشلي بتلاقي الناس
بعضها بتحكي عربي وناس
بيحكوا كردي والبعض بيحكي
أرمني وغيرهم بيحكي سرياني
وغيرو شيشاني..
📌 منفتحة ع تركيا من زمان..
وفيها معابر حدودية مع تركيا..
و بتربطها علاقة قوية بالعراق
و في معبر تاني بالقامشلي بيربطها
بإقليم كوردستان العراق.
📌 فيها نفط و غاز و حقول قمح..
📌 مختصر الكلام..
من يوم يومها فيها سوق تركي
و فيها بضاعة أوروبية و عراقية و تركية
وفيها مطاعم و كافيهات و جامعة و مدارس
ومعابد و فنادق و مطار و معابر حدودية
و شعبها متحرر و منفتح و بسافر و متعلم.
📌 نسبة منيحة من مسيحية القامشلي
مغتربين بالسويد و أستراليا من قبل الحرب
السورية الأخيرة.. و زادت النسبة حاليا.
📌 القامشلي رغم انو مافيها ابراج
لافتة للنظر او منشآت عملاقة
بس لا تقل اهمية وتطور و رتابة
عن اسطنبول او دمشق او بيروت...
و هالمعلومة صعب حدا يفهمها ليزورها
شخصياً.
📌 تحية لأهل القامشلي. ❤️❤️❤️❤️🌿
Негізгі бет تعال احكيلك عن القامشلي | عروس الجزيرة السورية ومدينة الحب
No video
Пікірлер: 246