#ThemorKaraisal #தேமோர்கரைசல் #தேமோர்கரைசல்தயாரிக்கும்முறை #இயற்கைnature #இயற்கைவிவசாயம்
வணக்கம் நண்பர்களே!
2 லிட்டர் அளவுள்ள தேமோர் கரைசல் செய்ய தேவையான பொருட்கள்:
** 1 லிட்டர் தேங்காய் பால்.
** 1 லிட்டர் அளவு புளித்த மோர் மட்டுமே போதுமானது. தயிரிலிருந்து வெண்ணெய் நீக்கப்பட்ட மோர்.
1 முழு தேங்காயை துருவி, மிக்ஸியில் போட்டு அரைத்து, தேங்காய் பால் எடுத்துக் கொள்ள வேண்டும். அதாவது, ஒரு தேங்காயிலிருந்து, ஒரு லிட்டர் அளவு தேங்காய்ப்பால் எடுக்க, 1 லிட்டர் தண்ணீர் ஊற்றி, தேங்காய் பால் எடுக்க வேண்டும் என்பது குறிப்பிடத்தக்கது. ஒரு லிட்டருக்கு மேல் தண்ணீர் ஊற்றக்கூடாது. தேங்காயை அரைத்து, நன்றாக வடிகட்டி, திப்பி இல்லாத தேங்காய் பாலை மட்டும் எடுத்துக்கொள்ள வேண்டும்.
முதலில் 1 லிட்டர் அளவு தேங்காய் பாலையும், 1 லிட்டர் அளவு புளித்த மோரையும் ஒரு மண் சட்டியில் போட்டு நன்றாக கலந்து கொள்ள வேண்டும். உங்கள் வீட்டில் மண்சட்டி இல்லை என்றால் பரவாயில்லை. ஒரு பாத்திரத்தில் ஊற்றி நன்றாக கலந்து, பிளாஸ்டிக் டப்பாவில் ஊற்றி, அதற்கு மூடி போட்டு, நிழலான இடத்தில் வைத்துவிட வேண்டும். காற்று, எக்காரணத்தைக் கொண்டும் டப்பாவிற்குள் போகக்கூடாது.
இந்த கரைசல் ஐந்திலிருந்து, ஆறு நாட்கள் நன்றாக புளிக்க வேண்டும் (ஆறு நாட்களுக்கு மேல், பத்து நாட்கள் புளித்தாலும் தவறில்லை). மண்பானையில் புளிக்க வைக்கும் பட்சத்தில், இந்த தேமோரில், நுண்ணுயிர் சத்து அதிகமாக கிடைக்கும் என்பது குறிப்பிடத்தக்கது.
உங்கள் வீட்டில் மண்பானை இல்லை என்றால் பரவாயில்லை. பிளாஸ்டிக் டப்பாவிலோ அல்லது பிளாஸ்டிக் வாட்டர் கேனிலோ, இந்த கலவையை புளிக்க விடுங்கள்.
மண்பானையில் இந்த தேமோர் கரைசலை தயார் செய்தால், அந்த மண் பானையை துணியால் மூடி, கயிறு இறுக்க கட்டிக் கொள்ள வேண்டும். தினமும் காலை, மாலை இரண்டு வேலையும் நன்றாக குலுக்கிவிடவும். ஐந்திலிருந்து, ஆறு நாட்கள் கழித்து, இந்த கரைசல் நன்றாக புளித்து, நுண்ணுயிர் சத்துக்கள் நிறைந்து, தயாராகிவிடும்.
இப்போது கரைசல் இருக்கும் டப்பாவின் மூடியை திறந்து, ஒரு குச்சியை விட்டு, இதை நன்றாக கலக்கி விடவேண்டும். புளித்த வாடையுடன், தேமோர் கரைசல் தயாராகி இருக்கும்.
10 லிட்டர் அளவு தண்ணீரில், 1 லிட்டர் தேமோர் கரைசலை கலந்து உங்களது செடிகளுக்கு ஸ்பிரே செய்ய வேண்டும்.
முதலில் எல்லா செடிகளிலும் ஸ்ப்ரே அடித்து விடக்கூடாது. உங்கள் வீட்டில் இருக்கும் ஒரு செடிக்கு சோதனை செய்து பாருங்கள். செடிகளில் உள்ள இலைகள் வாடுவதுபோல இருந்தால், தேமோர் கரைசலின் வீரியம் அதிகமாக இருக்கிறது என்று அர்த்தம். அதனால் அதன் வீரியத்தை குறைக்க தண்ணீரை கலந்து கொள்ளலாம். வெயில், சமயங்களில் கட்டாயம் செடிகளுக்கு அடிக்கவே கூடாது என்பதை நினைவில் வைத்துக் கொள்ளுங்கள்.
சூரிய உதயத்திற்கு முன்பாக காலை 6 மணிக்கே தேமோர் கரைசலை அடித்துவிட வேண்டும். அல்லது மாலை 5 மணிக்கு பிறகு, சூரிய அஸ்தமனத்திற்கு பின், தேமோர் கரைசல் ஸ்பிரே செய்ய வேண்டும். செடிகளின், இலைகள், கிளைகள், எல்லா இடத்திலும் முழுமையாக ஸ்பிரே செய்து விடுங்கள். இந்த தேமோர் கரைசலை, நம் வீட்டில் உள்ள செடிகள், பூ பூக்கும் சமயத்தில்
பயன்படுத்துவது மிகவும் நல்லது.
பயன்கள்:
உங்கள் வீட்டில் உள்ள செடிகள் பூ விட்டதும், அந்த பூ உதிராமல் காய் காய்த்து, அதிகப்படியான மகசூலைப் பெற இந்த தேமோர் கரைசல் உதவியாக இருக்கும். உங்கள் வீட்டில் பழச் செடிகள் இருந்தாலும் கூட, அதில் அதிகப்படியான பழங்கள் காய்ப்பதற்கு, தேமோர் கரைசல் உதவி செய்யும் என்பது குறிப்பிடத்தக்கது. செடிகள் பூ பூக்க ஆரம்பிக்க தொடங்கிய பின்பு, 10 நாள்களுக்கு ஒருமுறை இந்த தேமோர் கரைசலை செடிகளுக்கு ஊற்றலாம். பொதுவாக எந்த செடிகளாக இருந்தாலும்,(முருங்கை மரம், தக்காளி செடி, ரோஜா பூ செடி, கொய்யா மரம், சீதாப்பழம், மாதுளை) அதிலிருந்து அதிக விளைச்சலை நாம் பெற வேண்டும் என்றால், தேமோர் கரைசலை நாம் பயன்படுத்திக் கொள்ளலாம்.
Hi friends,
In this video, i have showed you how to prepare fragmented coconut milk and buttermilk mix. The purpose of this mixture is to increase the formation of flowers in crops and any kind of plants which yields more. This mixture produce 'cytokinin' hormone which increase cell division and thus plant growth occur.
Preparation:
1. Take 1 litre of fermented buttermilk (1 week fermentation required)should be create more sour taste when you smell it.
2. Take 1 full coconut and separate it from the shell. Make coconut juice by grinding coconut in the mixi by adding 1 litre of water. Just filter the coconut milk.
Now, mix 1 litre of fermented buttermilk and 1 litre of coconut milk together and kept in a claypot or plastic bottle. Keep this claypot or plastic bottle tightly closed. Then keep it in the shaded area(should not very warm). Keep it for 1 week. Stir this mixture 2 times a day in this 1 week.
After 2 weeks, we have 2 litre of fermented buttermilk and coconut milk mixture. For 10 litre of water, mix 500ml-1000ml buttermilk+coconut milk mixture. Spray this mixture for any type of plants and crops in the early morning(before 7am) or after late evening(after 5pm).
Before apply it to all plants, test it with few plants. If the plant leaf becomes dry or burn, reduce the mixture content or add a bit of water to dilute the concentration. Spray this mixture 1 week before the flowering going to occur. Spray atleast two times(1 week interval) to get good results.
This mixture not only increase flowering and fruiting, but also control pests. Try this at your home and comment your suggestions and ask doubts if any. Happy gardening and yielding.
Негізгі бет தேமோர் கரைசல் தயாரிக்கும் முறை | தேமோர் கரைசல் பயன்கள் | themor karaisal
No video
Пікірлер: 27