يعني إيه (كهيعص)؟ حد عارف؟ محدش عارف! أومّال بتقرأها ليه؟!
يعني هو دلوقتي (ذكر رحمت ربك عبده زكريا): أنا عارف معناها: اذكر رحمة ربك لما تَنَرْلَت على
زكريا اذكر هذه الرحمة؛ عشان قلبك يتملي أمل في الله ويتملي فرح بالله ويتملي رجاء في عطاء
الله ف (ذكر رحمت ربك) أنا فاهمها؛ فأنا بقرأها إنما (كهيعص) أنا مش فاهمها وبرضو بقرأها
هو إنتا مبتقرأش غير إللي إنت فاهمه؟! هو إنتا مبتنفذش غير إللي إنتا فاهمه؟!
يبقى أول فايدة نخرج بيها من الحروف المقطعة: معنى الاستسلام لله؛ إن أنا مش فاهمها..بس هعبدك بيها يا رب..بس هقرأها يا رب؛ مش إللي فاهمه بس في الدين هو إللي هطبقه. ولو فيه حكم من أحكام الدين مش فاهمّه: برضو هطبقه؛ أنا مسلملك قيادة حياتي يا رب!
المعنى الثاني: معنى التحدي يعني إيه؟ تعالوا يا كفار هنا..بتقولوا إن القرآن ده مش من عند ربنا طب آدي الحروف أهيه هاتولنا قرآن!
ثالت معنى: معنى الثقة في الله. يعني إيه؟
أنا مش فاهم المعنى؛ بس أنا واثق إن له معنى! ْ
يبقى تربية على الثقة بالله..تربية إِنْك إنت تبقى واثق في ربنا إِنَّك إنت تبقى ماشي في طريق
ربنا وإنت واثق أنه لن يصيبك إلا الخير ولن تصل إلا للخير.
العلاقة بين أول السورة وآخرها
(ذكر رحمت ربك)رحمات الله بأوليائه لدرجة إنه بيعملهُم مُعجزات دي البداية
طب آخر السورة:
(وَكَمَْ أَهْلَكُنا قبَلَهُم من قَرَنٍ هَل تحس منهم مَنْ أحَدٍ أو تَسْمَعُ لَهُمَ ركزا)؛ شوية جُثتْ معفنة مَرمِيَّة تحت الأرض!
٠ الركز: أصواتهم وهُمًا بيخطّطوا ضد أهل الحق
٠ الركز له معاني كتير أوي في اللغة, والحاجة الراكزة: الحاجة الراسخة؛ لما كانوا ماسكين ْ
.ومتبَّتين في الكراسي بتاعتهم..لما كان ليهم سلطان وهيلمان! فين كل ده دلوقتي؟! اتنسفوا
ّ, نسف واترموا تحت التراب!
يبقى افتتاح السورة بإنهمار رحمات الله على أوليائه؛ واختتام السورة بنزول خسف الله لأعدائه
(عبده زكريا) لو كانت كلمة عبده اتشالت إيه الفرق؟! كان بقى الرحمة دي حاجة خاصة بزكريا'
أمال لما ربنا حط كلمة عبده فرقت إيه! زي ما أقولك أنا سافرت من المنصورة لمصر طول
الطريق قاعدين يدونا جوايز وفلوس
فأنت تقول طب أنا عايز الكلام إللي أنت أخدته أقولك إيه امشي في نفس الطريق
عشان كده ربنا قال عبده قبل ما يقول زكريا
اشمعنا زكريا؛ لأنه عبده؛ لأنه تفانى في العبودية لله
هتعبد هتاخد هتعبد هتشوف المعجزات هتعبدي هتتنزل عليك العطاءات.
رحمة ربنا لمين! مدد ربنا لمين! نصرة ربنا لمين! عبده يبقى كلمة عبده تملئ قلبك أمل إن كل إللي هيمشي في الطريق ده هياخد.
*« طب في كلمة تانية في الآية تملئ قلبك أمل ؟ (ذكر رحمت ربك) مش ذكر رحمة الله
وإيه قيمة إن ربنا يقول لسيدنا محمد( ربك) يعني إللي إداه يديك» يعني زي ما هو ربه هو ربك.
أنت كمان.
زي ما أب يدي لإبنه ١٠٠٠ ويقول لأخوه شوف أبوك بيدي إيه؟
إيه قيمة كلمة أبوك هنا؟
إن زي ما أبوه هو أبوك فارضيني زي ما هو رضاني وأنا هراضيك زي ما رضيته.
يبقى من البداية رحمة ربنا لمن فتح الأبواب
هنا في جزاء من جنس العمل إن معنى كلمه زكريا كثير الذكر وذكره الله برحمته لما أكثر من ذكر الله.
كنا بناخد في دورة فن الذكر في عشر ذي الحجة
إن على قد ما هتذكر ربنا وهتعيش بقلبك مع ذكر أسماء الله الحسنى في قلبك وعلى لسانك
على قد ما ربنا هيذكرك برحماته
مضطرين نسيب الآية
أنتم عارفين "أبو سليمان الدراني" لما كان يقولك إني لأمكث في الآية أربع ليالي أو خمس
ليالي فلا اتركها إلا بأن أقطع الفكرة فيها؛ لأنك كل ما هتدخل على القرآن هتلاقي ْ
كنوزر
وهو ده معنى كلمة بسم الله الرحمن الرحيم قبل كل سورة
يعني في هنا رحمات. يعني آثار اسم الله الرحمن الرّحيم
عارف لما أقولك مثلا روح دور على بترول في الأرض ديء الأرض دي فيها بترول لو
دورت وما لقيتش يبقى المشكلة فين ؟فيك أنت.
يبقى لو دخلت السورة وماخرجتش برحمات تغير لك حياتك
يبقى المشكلة فيك أنت مش في السورة, يبقى عشان كده مش بسم الله العزيز الجبار لا الرحمن الرحيم.
اشمعنى؟ في هنا رحمات في هنا كنوز لازم تدخل الآيات وأنت واثق
"إذ نادى ربه" إذ دي اللحظة الفارقة, كلمة إذ دي لما تقرأها في القرآن حط تحتها كده في قلبك
كلمة اللحظة الفارقة. اللحظة إللي ربنا رضي عنك فيها ماتعرفهاش أنت ماتعرفش اللحظة إللي
ربنا رضي عنك فيها ماتعرفيش اللحظة إللي ربنا غفرلك فيها.
اللحظة دي هتعرفها امتى؟ يوم القيامة وهتفضل تفتكرها وتتندر بها امتى وأنت في الجنة..
(إذ )اللحظة إللي ربنا بيرضى عن العبد فيها اللحظة إللي ربنا بيصطفي العبد فيها!
في (سورة مريم) ثلاثة إذ :
{إذ نادى ربه نداء خفيا}
{واذكر في الكتاب مريم إذ انتبذت من أهلها مكانا شرقيا}
{إذ قال لأبيه يا أبت لم تعبد ما لا يسمع ولا يبصر ولا يغني عنك شيئا}
يبقى إذا العمل اللي هيرضي ربنا عنك أنت ماتعرفش أنت عملته ولا لسه.
ماتعرفيش هو العمل اللي هاتدخلي الجنة بسببه هيبقى إيه؟ اقتنصوا كل عمل صالح يا جماعة (إذ) اللحظة الفارقة:
اللحظة التي من أجلها من الله عليه بالرحمات.
(إِذ نادى ربه) يعني إيه كلمة "نادى" وليه مش كلمة "دعى"؟ يا جماعة عارفين لما يقول لك
نداااااااء إلى أصحاب القلوب الرحيمة؟ يعني واحد في كرب الكرب.
" أناديييك معناها يعني يعني فيه وجع.
عارفين كلمة النداء دي واحد بيهتف بالله.
عارفين لما دولة تحتل دولة تقوم توجه ندااااء إلى دولة قوية: "أغيثونا أنقذونا"
نداء دي معناها إن الهتاف ده خارج من أعمق أعماق قلبه. نتعلم إزاي ندعي ربنا بقى.
(إذ نادى ربه) مش إذ نادى الله
(ربه) اللي كل نعمة في حياته منه اللي ياما شاف
الخير من عطاياه.
** لتحميل ومشاهدة باقي الجودات الأخرى ( العالية - المتوسطة - الصوت ) :
way2allah.com/k...
===============================================
شبكة الطريق إلى الله :
www.Way2allah.com
الصفحة الرسمية لشبكة الطريق إلى الله
/ way2allahpage
Негізгі бет ( تاملات إيمانية في سورة مريم 2 ) د حازم شومان ، مسجد الجمعية الشرعية بالمنصورة ، الجمعة 24-10-2014
Пікірлер: 46