تعملى ايه مع ولادك فى الأجازه…
كلنا عندنا مازن فى البيت هنشغلهم ب ايه ونسلى وقتهم علشان منسمعش كلمه زهقانيين انت هقولك بس قبل ما اقولك متنسيش اللايك والشير وشويه الزراير اللى حواليا
هقولكوا على افكار وحاجات تشغل وقت ولادنا فى الاجازه وكملو معايا الفيديو علشان هقولك انتى كمان تعملى ايه فى الاجازه يلا بينا نبدأ بالعيال
فى المعسكرات الصيفيه فى المدارس والحضانات اللى هو السمر كامب بيبقى فى انشطه مختلفه وكتيره للأولاد اللى اخدوا الاجازه بيعلموا يعملوا حاجات بالصلصال ويتعلموا رسم طباعه شغل بالخرز فك وتركيب حاجات كتيره اوى بيعملوها المدارس والحضانات
وكمان العيال اللى كان مستواها ضعيف فى الأجازه بيدوهم فصول تقويه تقويهم فى الماده اللى واقعين فيها ده بالنسبه للمعسكرات الصيفيه
فى حاجه اسمها تنظيم الوقت بجدول زمنى بمعنى
انا هجيب ابنى او بنتى واقعدهم واقولهم هنعمل مسابقه هنظملكوا اليوم تعملوا ايه بالوقت مثلا من الساعه ١٢ الساعه ٢هتحفظ سورتين واسمعهوملك ومن ٢ل ٤ هنروق اوضتنا بعد اللعب وننظمها ومن ٤ ل ٦هتقعد على الموبايل واخر الاسبوع اللى هيلتزم بالجدول هيأخد هديه وكفأيهم هتلاقيهم بيعملوا كل حاجه بحب وموافقين علشان الهديه اللى فى اخر الأسبوع ده تشجيع ودعم
فى ماركات كبيره ومحلات لبها فروع بيعملوا دورات تدريبيه فى الأجازه الولاد بتقدموا وبيدربوا شيفات it كمبيوتر وبيعلموهم مهن اللى محتاجينها وليها علاقه بشغلهم وده مناسب اوى للصبيان وممكن ربنا يوفقهم ويشتغلوا جنب الدراسه
فى بقى مراكز للصيانه الكمبيوترات والتى فى والموبايلات او اى محل جنبك وتودى ابنك يتعلم يبقى ادرب واتعلم حاجه كويسه تنفعه واتسلى فى الأجازهوالعيال كلها دلوقتى بتحب الاجهزه والتكنولوجيا يعنى هيشتغلوا ويطوروا من نفسهم فى حاجه بيحبوها
فى كمان كورسات كتيره فى مجالات مختلفه برمجه / كمبيوتر/ انجليزى فرنساوى المانى كورسات محاسبه تنميه بشريه رسم جرافيك وتصوير ومونتاج اشغال يدويه وحاجات كتير شوفى ابنك او بنتك بيحبوا ايه واديلهم كورس وخليهم يتعلموا ويطوروا من نفسهم
التمارين وكله من الحر بيروح تمرين سباحه والصبيان بيحبوا الكوره والبنات بتحب الجمباز حلو اوى ويبقى جسمهم رياضى ويخرجوا طاقتهم وانتى تعملى ايه فى النادى وهما بيتمرنوا هقولك اخر الفيديو زى ما وعدتك بس كملى الفيديو معايا للأخر
ممكن نزود عندهم المعرفه القراية مهمه جدا للعيال وتختاريلهم كتب يقروها وتقريها معاهم
نعمل خروجه كلنا زى زيارة المتحاف ومعرفة تاريخ البلد
سفر المحافظات زي بورسعيد الاسماعيلية الاسكندرية
نعلمهم يروحوا كل اسبوع يزوروا حد من اهلهم ويتعلموا يصلوا رحمهم هيكبروا يعرفوا يعنى ايه اهل وعيله
يخرجوا مع اصحابهم يوم ويوم اخر النهار يتمشوا بس تابعوهم فى التليفون
انتى بقى تعملى ايه فى الأجازه
وانتى فى النادى مع ولادك وقت التمرين اشتركى انتى كمان فى تمرين او رياضه بتحبيها واهو تقوى لياقتك البدنيه لان الرياضه مهمه اولادنا ولينا احنا كمان
روحى للصحابك اسهرى مع جيرانك انا بسهر مع جيرانى حبايبى ونعمل اى حاجه حلوه ونقعد قعده الصحاب متتعوضش
جددى فى مطبخك فى الأجازه ازاى هقولك فى فيديو لوحده علشان اكتر مكان بنقعد فيه وقت طويل هو المطبخ لازم يكون مريح نفسيا لينا
روحى ل اختك اللى معرفتيش تزوريها من اجازه نص السنه قضى معاها اليوم انتى وولادك
لو عندك مشروع من البيت كبريه وتطوريه ولو معندكيش فكرى تجيبى مكنه خياطه ونبدأ نصلح ونفصل هدوم مش هعرف اشتغل على مكنه نجيب حاجات ونبيعها وانا اديتك افكار عن المشاريع فى فيديوهات كتيره قبل كدا
كدا انا قولتلك تعملى ايه مع نفسك ومع ولادك لو فى فكره جديده قوليلى انا واخواتك ونفيد بعض
الأروبة
انا بقدم نصائح تساعدك في كل حاجة في حياتك، كل الحاجات اللي تهمك ك بنت او ست بيت، ازاي تقدري توفري وتمشي بيتك، شرح لاتفاقات الجواز والخطوبة وكل حاجه تخص البيت والأسرة في مصر. وحبايبي المصريين في الخارج.
تابعي صفحتنا على كل المنصات:
Facebook : shorturl.at/nqsGK
Instagram: shorturl.at/oEQTY
TikTok: shorturl.at/hCS49
Kwai: shorturl.at/gm689
اعملي لايك .. شير .. اشتركي في القناة .. و قوليلنا رأيك في الفيديو في التعليقات
Powered by Vertical Network: thevertical.network
#الاروبة #البيت #مصر #تربية #طبخ #بنات #عروس #زواج #الأروبة
Негізгі бет تعملى ايه مع ولادك فى الأجازه؟ افكار وانشطة شغل وقت ولادنا
Пікірлер: 21