تغريد محمد
--------------------
فارقت دنيا الهم
والكون امامي بسم ..
لا ليلي يبقي كئيب
لا تجري دموعي ندم ..
يا باكي طول الليل.
مابفيد بكاكا ضناك
ودموعك البتسيل
بتزيد عليك شقاك
فتش علي الأمال
هي وقفه تستناك
فكر معاي وشوف
أخرت مصيرنا وقول
قول لي كم ح نعيش
في الدنيا مهما تطول
أعمارنا بس ايام
زي السحاب بتزول
أخلق لنفسك حب
أفرح وغني دوام
ورفرف مع الأطيار
بي أجنح الأحلام
الدنيا تبسم ليك
مليانه ود وسلام
Негізгі бет Музыка ثنائي الجزيرة فارقت دنيا الهم والكون امامي بسم
Пікірлер: 3