Salam, dostlar. Bu videomuzda sizə Türkiyədə ödənişsiz oxumaq, daha dəqiq desək, Türkiyə Bursları proqramı barəsində danışacağam. Gəlin əvvəl bu proqramın nə olduğu, nələr təklif etdiyinə, daha sonra isə müraciət prosesinə nəzər salaq.
Türkiyə Bursları Yurtdışı Türkler ve Akraba Toplulukları Başkanlığının (qısa formada YTBnin) Türkiyədə bakalavr, magistr və ya doktorantura təhsili almaq üçün bütün xarici vətəndaşlara təklif etdiyi təqaüd proqramıdır.
Proqrama seçildiyiniz təqdirdə Türkiyədə seçdiyiniz universitet və ixtisasda heç bir təhsil haqqı ödəmədən oxumağa haqq qazanırsınız. Bundan əlavə TB sizin bir dəfəlik Türkiyəyə gediş-dönüş biletiniz, yataqxana, sosial siğorta xərclərinizi qarşılayır və sizə aylıq təqaüd verir. Bu təqaüd hazırda bakalavrlar üçün 700, magistrlar üçün 950, doktorantlar üçün isə 1400 tl-dir. Əgər oxumaq istədiyiniz ixtisasın tədris dili türkçədirsə və dil səviyəniz yetərli deyilsə, TB eyni zamanda sizin 1 illik Türk Dili Təhsilinizi də qarşılayır.
Türkiye Bursları təqaüd proqramının ən yaxşı xüsusiyyəti müraciət prosesinin olduqca sadə olmasıdır. Proqrama müraciəti 3 mərhələyə bölə bilərik. Birinci mərhələ elektron formada müraciət, ikinci mərhələ üz-üzə müsahibədir. Son mərhələ isə artıq proqrama seçildikdən sonra sənədləşmə işlərini əhatə edir.
Universitetlərin siyahısı: www.turkiyeburslari.gov.tr/un...
Mətn: Güllü Eldarzadə/Sevinc Əliyeva
Hazırladı: Sevinc Əliyeva
Səsləndirmə: Sevinc Əliyeva
Yeni videolardan ilk siz xəbərdar olmaq istəyirsinizsə: bit.ly/2LdMgOe
Facebook: Video Bilik
Instagram: @videobilik
The video is copyrighted by Sevinc Əliyeva and cannot be reused in other online channels without permission.
Негізгі бет Türkiyədə ödənişsiz təhsil || Türkiyə Bursları
Пікірлер: 200