من بعد ظهور الدولة الحديثة ، لصاحبها الحاج محمد علي ، وفيه أزمة عند بعض الناس ، متعلقة باللون الأساسي لبشرتهم. وتلاقي فئات معينة ، بتناضل ، لإثبات تفوق وتميز في أصلها وفصلها ، مرتبط بكارتيلا كده فيها شوية ألوان ، محتاجة تدخل عاجل من خبير دهانات أو فني دوكو ، عشان يفض الاشتباك ما بينهم . ويجيب الناهية في الحوار ده ، عشان نعرف، مين اللي له الحق الاصيل ، في اعتبار كونه مصري معتق و أصلي، ومين المصري التقليد أو فرز تاني..
وللانصاف يعني ، فيه شخصيات عظيمة مصرية وعربية ، اتدخلت في الموضوع وحاولت تحل.. يعني الفنانة سعاد مكاوي ، سألت هو البياض أحلى ولا السمار احلى ، وأكدت في آخر الأغنية ، إن الاتنين حلوين وطعمين..
أما صباح رغم كونها بيضا ،الله يسترها قالت اسمر اسمر ، طيب ماله ، والله سماره سر جماله ، لحد ما جت عفاف راضي بتصور مختلف خالص ، وقالت إن المصري، لا هو ابيض ولا اسمر .. المصري لونه قمحي ، لون خيرك يا مصر .. وبعيدا عن الفن بقى ، عشان ده ممكن يدخلنا في جدل تاني ،
بعد ما أثبت الفنان تامر هجرس ، إن الإنسان عموما لونه الأصلي هاڤان ..
لكن بعيدا عن كل ده ، خلينا نتكلم عن الظروف الاجتماعية والسياسية ، وخصوصا في آخر قرنين من عمر البلد دي ، مع تطور حياة المصريين ، وصراع الألوان العجيب ده في ال 200 سنة الأخيرة ،و ازاي أثرت الأفكار والثقافات المختلفة ، على تفكير ناس كتير مننا في حوار اللون ده ؟
وايه علاقة المصريين بألوان بشرتهم ؟ وامتى المصري بيعتبر نفسه أسمر؟ وامتى بيشوف نفسه ابيضاني ؟
للدعم على Patreon :
/ ahmedbehiry
اشترك في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ أحمد-بحيري-ahmed-behir...
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
المصادر:
- أعلم أهل الأرض
www.قooقle.com
Негізгі бет Комедия {تعاشب شاي}(1840) هو المصري كان لونه ايه؟
Пікірлер: 180