#киноәлемі #киношолу #казакшакино
Кино Әлемі / Кино Шолу / Кыска шолу
Фильм: Удача Логана (2017)
Джимми Логан қызымен музыкалық топ туралы әңгімелесіп, көлігінен бір нәрсені қарап жатады. Кейін Сэдиді анасына тапсырып, жұмысқа кетеді. Ол жер астындағы шахтада кішігірім бульдозер айдайды. Қызу жұмысқа кірісіп жатқанда бастығына шақырту келеді. Жұмыс уақытының қақ ортасында қызметтен ажыратудың ешқандай жақсылыққа апармайтынын сезген оның күдігі рас болып шықты. Джимми жұмыстан босатылды. Басшылықтың сондағы сылтауы мынадай: Логанның бір аяғы ақсақ болған соң, сақтандыру компаниясы үшін оның жұмыс жасауы шығын әкелуі мүмкін. Бұл қауесетті әріптестерінің бірі жеткізген болуы керек.
Жігіт бұрынғы әйелінің үйіне жол таратады. Мақсаты - қызын демалысқа алып кету. Бірақ, Сэдидің басқа жоспары болып шықты. Ол өгей әкесімен киноға бармақшы. Ол аздай әйелі отбасымен басқа штатқа көшейін деп жүр екен. Қызынан алыстап кететініне мұңайған Джимми інісі Клайдтың сыраханасына келеді. Ол да ағасынан қалыспай түрлі оқиғаларға тап болып, соңында 1 қолынан айрылып, протезбен келген болатын. Содан бері Клайд отбасылық жағдайларды зерттеумен айналысады. Ол Логандардың барлығы сәтсіздікке ұшыраудан көз ашпайтынына 100 пайыз сенімді. Джимми дәретханаға шығып кеткенде ішімдік ішуге бір топ жүргізушілер келе қалады. Олардың бірі атышулы жарнама актері Макс Челблэйн. Ол жалғыз қолды барменді түрткілеп, ақымақ әзілдерімен тиісе бастайды. Орнына қайтып келген Джимми дөрекі еркекпен әңгімеге көшеді. Ағасының мінезін жақсы білетін Клайд істің соңы неге тірелетінін біліп, протезін шешіп, бөтелкенің аузына қағаз қойып сыртқа шығып кетеді. Далада тұрған жұлдыздың қымбат көлігін өртеп жібереді. Кетіп бара жатқанда Джимми інісіне өздері ғана түсінетін құпия сөзді айтып айқайлайды. Бұл белгілі бір оқиғаның басталғанын білдіретін команда еді. Сонымен інісі оны көп күттірмей жаңа ұрлықтың жоспары деп жазылған қағазды көрнекті жерге қойып кетеді.
Жуырда қалада көліктер жарысы болмақ. Джимми шахтада жұмыс жасап жүрген кезде жер астында үлкен сейфтың бар екенін естіген. Одан пневматикалық транспорт арқылы күн ұзағына қаражат алынады. Ол жерде қанша ақша барын ешкім білмейді. Бірақ, демалыс күні сейфте екеуіне де бірнеше жылға жеткілікті сумма болатыны белгілі. Жігіттердің өздері бұндай қиын жұмысты атқара алмасы анық. Сондықтан түрмеде отырған профессионал Джо Бэнгтен көмек сұрай барады. Джо Бэнг немесе кейбірі Джо Бабах деп атайтын қылмыскер оған жұмыртқа әкеліп берсе ғана сөйлесетінін айтады. Тәжірибелі ұрлықшы тәуекелге барғысы келмейді. Себебі оның түрмеден шығуына аз уақыт қалған. Бірақ Джимми оны ешкімге білдіртпей алып кетіп, шаруаны бітіргесін қайта әкеліп тастауды ұсынды. Сонымен олар өзара келіскен секілді. Алайда Джо ұрланған сумманың 3-тен 1 бөлігін иемденуге келіспейді. Өйткені онымен қоса тағы 2 інісі жұмыс жасамақ. Сондықтан оларға да ақша беру керек. Джиммиге шебердің шартына көнуден басқа амалы қалмайды.
Жігіттер шапшаң ойланатын қарындастары Мэллиді де іске қосады. Компания Сэдимен уақыт өткізу үшін жиналғандай болып жәрмеңкеге барады. Негізінде Бэнгтің інілерін іздеп жүр. Олар үлкен ағаларына мүлдем ұқсамайды екен.
Мінекей команда жиналып, жоспар да дайын болды. Алдымен Клайд көлікпен жолдың бойындағы дүкенге кіріп кетіп, бұл үшін 3 айға абақтыға қамалады. Өзіне де керегі осы еді. Джимми ұрлау операциясы мен қызының сұлулық сайысына қатар дайындалады. Автоқызмет көрсету орталығында Сэдиге солляри жасап, Мэллидің салонына апарады. Күту кезінде тамақтанып алуды шешеді. Осы кезде қасына өзін дәрігермін деп таныстырған бір бикеш келіп, Джиммидің бетіндегі жырықтарды көріп, инфекцияның алдын алу үшін ем жасауды ұсынады. Емдеу кезінде қыз онымен мектеп кезінен таныс екенін, тіпті бір рет сүйіскендерін баяндады. Бірақ жігіт есіне ештеңе түсіре алар емес.
Джимми заттарын аламын деген сылтаумен бұрынғы жұмысына барып, шахтаның картасын жымқырып кетеді. Жолшыбай әріптесін кездестірген ол жұмыс жоспарының ерте орындалғаны үшін шахтаның жақын арада жабылатынын естиді. Осылайша достарына ұрлау операциясын 1 апта бұрын бастау керек екенін хабарлайды.
Банк қоймасының қызметкеріне күтпеген жерден сыйлыққа торт келеді. Алайда тәттіқұмар әйелдің оны жеуге мұршасы болмайды. Өйткені, полициямен мәселе шешіп жүргенде автоматты есік жабылып, торттың жартысы ішінде қалды. Ағайынды Бэнгтер ең үлкен сейфке жол табу үшін пневматикалық құрылғының ішіне түрлі-түсті қоңыздарды жіберді. Таңертең кезекшілікке келген қызметшіні қоймада жүрек айнытар көрініс күтіп тұрды. Дегенмен тазалық мамандарымыз деп келген жалған жұмысшылар мәселені тез шешті. Осылайша қажетті құбырды ораластырып кетті.
Негізгі бет Фильм және анимация ТҰТҚЫНДЫ ҰРЛЫҚ ЖАСАУ ҮШІН, ТҮРМЕДЕН 1 ТӘУЛІККЕ ШЫҒАРҒАН ! КИНО ӘЛЕМІ КИНО ШОЛУ КИНО АЙТУШЫ
Пікірлер: 29