ತಡವದೇಕೆ ತಾಯ ಕರೆಗೆ ಬಾಳೆ ಅವಳ ಕೊಡುಗೆ
ಅಳಿಸಬೇಕು ಅವಳ ನೋವು ತೊಡಿಸಿ ಹರುಷದುಡಿಗೆ ..||ಪ||
ಜಾರದಿರಲಿ ಸಮಯವಿನಿತು ಕ್ಷಣಿಕ ನಮ್ಮ ಬದುಕು
ಕಾಯ ಬತ್ತಿ ಧ್ಯೇಯ ಜ್ಯೋತಿ ಜಗಕೆ ಪ್ರಖರ ಬೆಳಕು
ಹಣದ ಮೋಹ ಕೀರ್ತಿ ದಾಹ ತರದೆಂದಿಗು ಮೆರಗು
ಋಣವ ಕಳೆವ ಪರಿಯೇ ಸೇವೆ ಅದುವೆ ಬಾಳ ಬೆಳಗು ..||1||
ಜನ್ಮದಾತೆ ಚರಣ ಸೇವೆ ತ್ಯಾಗಕಿಂತ ಮಿಗಿಲು
ಭೇದ ಬಿಟ್ಟು ಮೋದದಿಂದ ದುಡಿದಾಗಲೇ ಹಗಲು
ಧ್ಯೇಯ ಪಥದಿ ನೇರ ಪಯಣ ತೊರೆದು ಅರಿಗಳಂಜಿಕೆ
ಸತ್ಯ ನಿಷ್ಠೆ ಸ್ವಾಭಿಮಾನದಿಂದ ಸಫಲ ಗಳಿಕೆ ..||2||
ಯತ್ನವೆಂದು ವ್ಯರ್ಥವಲ್ಲ ಯಶದ ಹಾದಿ ಗೋಚರ
ಸ್ಫೂರ್ತಿ ಚಿಲುಮೆ ಚಿಮ್ಮುತಿರಲು ಕಾರ್ಯ ಸಿದ್ಧಿ ಸಾಸಿರ
ನಿಂದೆ ಸ್ತುತಿಗೆ ಕಿವುಡು ಮನವು ಸ್ವಾರ್ಥ ಬರದು ಹತ್ತಿರ
ಭರತ ಮಾತೆ ನಗುವಿಗಾಗಿ ಬಾಳ್ವ ಪರಿಯು ಸುಂದರ ..||3||
Негізгі бет ತಡವದೇಕೆ ತಾಯ ಕರೆಗೆ | Tadavadeke taaya karege | Sangh Geet |
Пікірлер