Тарих ғылымдарының докторы Талас Омарбеков "Жас Алаш" газетінің "Алдыңғылардың әңгімесі" бағдарламасында қонақта.
Талас Омарбеков қазақ халқы отбасылық билікке неге көніп отырғанының сырын айтты. "Оның тамыры тереңде. Біз о заманнан жеке адамдардың билігіне, отбасылық басқаруға тәуелді болғанбыз. Сақ, ғұн замандарында да, хандық дәуірде де бізді жеке адамдар биледі. Кеңес үкіметі кезінде Сталин басқарғанда осы жеке адамды ұлықтау, табынып кету өзге халықтарға қарағанда қазақтарда басым болды. Неге? Өйткені біздің халық жекелеген тұлғаларды жақсы көреді. Тәуелсіздік алғанда да бір адам билікке келді. Соның өзін, отбасын ұлықтап отырмыз. Бұл бейсаналы, тарихы терең құбылыс", - дейді тарихшы ғалым.
Сонымен қатар Кенесары туралы монография жазып, айдауда болған Бекмаханов туралы да сын айтты. "Бекмаханов айдаудан келгеннен кейін өзінің бұрынғы еңбегіне жүз пайыз қарсы кітап жазды. Сол еңбегі бүкіл Қазақстанда оқытылды. Онда ол Кенесарының теріс жағынан сипаттады. Қазір біз Бекмахановты айтсақ, тек бірінші кітабын айтамыз. Неге екінші кітабын да айтпаймыз? Ол айдаудан келген соң, атағын қайтарғысы келіп, жауларының бәрімен алысты. Өзін дәлелдегісі келді. Ал сол сияқты айдауға кетіп, позициясынан қайтпаған да тарихшылар болды" деп сынайды Омарбеков.
Оған қоса, ашаршылық кезіндегі Қазақ тарихы да сөз болады. Өткен ғасырдың 50-60 жылдары Қазақстан тарихының кенжелеп қалуының негізгі себептері айтылады.
Негізгі бет Талас Омарбеков: Тарихшы Бекмаханов біз ойлағандай адам емес (Алдыңғылардың әңгімесі)
Пікірлер: 189