Талдықорғандағы Журналистер үйіне белгілі тележүргізуші, қоғам қайраткері Бейсен Құранбектің есімі берілді. Арда азаматтың аты мекеме маңдайшасына жазылып, ескерткіш тақта орнатылды. «Айтуға оңай» бағдарламасымен қалың көпшіліктің жүрегінен орын алған танымал журналист қазақ телевизиясының дамуына өлшеусіз үлес қосқан еді. Жарқын бейнесімен қалың көрерменінің сүйіктісіне айналған Бейсен Абайұлының есімін журналистер үйіне берілуін Президент Қасым-Жомарт Тоқаевтың өзі қолдады.
Бейсен Құранбектің өмірден озғанына биыл екі жыл. Көзі тірі болса 51 жасқа толатын еді. Бүгін артында қалған әріптестері, ізбасарлары, ел қалаулылары еліміздің түкпір-түкпірінен жиналып, тарихи сәттің куәсі болды. Қасиетті жұмада Талдықорғандағы журналистер үйінің маңдайшасына «Бейсен Құранбек атындағы журналистер үйі» деп жазылды. Марқұмның жары Гүлмира Зербай халқының Бейсен ағаға деген ыстық ықыласына шексіз ризашылығын білдірді.
ГҮЛМИРА ЗЕРБАЙ, Бейсен Құранбектің жары:
- Өзім екі ұдайы сезімде болсам да бір жағынан қуаныш, бір жағынан жұбаныш дегендей. Өзіміздің Президентіміздің тапсырмасымен журналистер үйіне Бейсекеңнің атағы беріліп жатыр. Сол үшін Президентімізге, облыс әкімшілігіне, осы жолда ат салысқан достарына, әріптестеріне, шәкірттеріне алғысым шексіз. Бейсекеңнің ісі осындай азаматтар барда жалғаса береді деп сенемін.
САМАЛ ҚАБЫШЕВА, Тілші:
- Талдықорған қаласындағы дәл осы журналистер үйі осыдан 8 жыл бұрын пайдалануға берілген еді. Ал бұл ғимараттың салынуына тікелей ат салысқан Бейсен Құранбек ағамыздың өзі болған.
Бейсен Құранбек қазақ журналистикасының дамуына ширек ғасырдан аса уақыт үлес қосты. 31 арна, Хабар, Президент телерадиокешеніде қызмет етті. Жетісу телеарнасын басқарды. Ал "Айтуға оңай" бағдарламасымен Бейсен аға қалың көрерменнің жүрегінде мәңгіге қалды. Бейсен Абайұлы тек мықты журналист ғана емес, Айкидоны да меңгерген кәсіби маман. Жаудың күшін өзіне қарсы қолданатын Айкидо жекпе-жегімен де ол талай жанға тәлім берді. "Кей адамға түр бергенмен бой бермейді, бой бергенмен кесек ой бермейді, ал Бейсеннің бойында осының барлығы тұтас сомдалды" дейді жиналғандар.
ҚАЙНАР ОЛЖАЙ, Қазақстанның Еңбек сіңірген қайраткері, ардагер журналист:
- Бірақ Бейсенге оңай болды деп айта алмаймын. Бейсен біздің кезімізде "Айтуға оғай" бағдарламасында кейбір бағдарламаларын эфирге шығарғылары келмейтін шенеуніктер табылды. Бейсеннің өзі осындай қиындықтармен өтті. Мен осы алдағы уақыттағы журналистер Бейсеннің бүкіл бейнесінен, образынан үлгі алуы керек. Бейсеннің әрбір хабарын қарау керек, содан үйрену керек.
Журналистер үйіне Бейсен Құранбек есімі берілген тарихи күнде БАҚ өкілдеріне түрлі семинар-тренингтер өтті. Сонымен қатар, Жетісу облысы әкімінің жүлдесі үшін ұйымдастырылған журналистер арасындағы байқаудың жеңімпаздары да марапатталып, құрметке бөленді.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
Негізгі бет Талдықорғандағы Журналистер үйіне белгілі тележүргізуші Бейсен Құранбектің есімі берілді
Пікірлер: 24