TANGTHUPHA HONG HILH UN
(Kenneth Sangboih - 14/OCT/2018)
Hun leh kumte mualliam zel in
Pallai hun zong sot nawn lou ding a
Lei taksa-te buanlei a suak ma ngei in
Aw tangthupha kei zong hong hilh ve un
Tangthupha chi a na tangkou'h uh
Aw Kei zong hong hilh sam ve un maw..
Mialna hong tun ma'n aw hong hilh un maw
Hong hilh un Tung Pathian itna
Lei taksa kisia gawpsa Mangthang mai ding
Nong phal hiam aw ka it laizom?
Tangtawn mun ding ka gelchiang in ah
Na lua sang ing, tangthupha hong hilh un aw
Khristian tuailai, kei hiah om ing
Na neih Jesu thu sang din man ing
Hong pai ve un, lei hinna bei man
Kei hong siamtu Toupa kiang kik nuam ing
~~~~~~~~~~
Special Thanks:-
Palian TG Lian (Green Studio) Thangsanglian thangsing (@thangsingsimte8630 )
James Kapminmang Tombing (@jamestombing ) Heutunu Ruth
NEW PAITE ZOMI GOSPEL SONG 2024
LAA TAWH KISAI TAMLOU:
Khamangthang tauna aw ana ngai ni
Bangchi'n dawnna i pia a? Bangchi'n pan i la thei a?
Ana ngai chiat in a mangthang khate adin thuumna neih sak ni
Laa hong piang khiat dan ahihleh ei gamsung ah ministry tuamtuam kihelna tungtawn a kei mimal testimony leh midang tuamtuam testimony akipan a hong piang khia ahi.
A laa in mission field a ginglou mite kahtam, ei gamsung mahmah a Pathian' thu ana za himahleh ana sang nailou-te kahtam akipan ahi. Mun khenkhat a naupang kum 14-18 kikal-te houpihna tungtawn a innkuan sung kikhopna ah bible sim in kipan mahleh pathian thu kihilhna sa'ng a kitaina midang tate tawh kidemna ziak a "kou pathian thu thei nuam lele a thu tak hon kihilh ngeilou" chih kammal akipan a kibawl khia ahi.
mundang ah khamtheih hih lak a kizat lai a mikhat in 'Pathian thu chu kiza inchin hilele a thu sung taktak khat le khat a kihoulimna om theilou, kou kuaman hon naih utlou, kou chu a tam zaw Pathian lam ah kihei ut ung a hilele hon naih tu ding khat le khat a pathian thu hong hilh diing omlou" hon chih uh tawh le ki mekkhawm a kiphuak ahi.
Tua ziak in, Ei Khristian-te'n ki enpha kik a, sep diing tampi omlai ahi, mialna hong tunma'n tangthupha hong hilh un chia dangtak a akikou na aw te uh nawlkhin thei vual ki hilou hi. Toupa'n ngaikhia tute tengteng hon vualzawl henla, Pathian' gam nnasepna ah tua sa'ng a kalsang zaw suan thei din hon vualzawl hem
PRAYER POINT:
1. Gamsung a mangthang kha te adi'n thuumna ah phawk tou zel ni
2. Innkuan sung kikhopna ah Pathian thu mah kihilh in kichil tou ni
3. Toupa'n na hih theih bangbang in nang hong zang nuam hi amah mun pia ni.
4. Maban ah ka laate k'ong khahkhiat theih zel na di'n hong thuumpih un
Kipak,
Sangboi
For Music Tracl/More Information: +91 8787882413 (WhatsaApp)
Негізгі бет Tangthupha Hong Hilh Un (EP 01) | H Kamkhansang | (Offical Lyric Video)
Пікірлер: 117