تسبیح ا اللہ تعالی کی پسندیدہ عبادت
’ آنحضرت صلی اللہ علیہ وسلم کا ارشاد پاک ہے: رحمان کو دو کلمے بے حد پسند ہیں (وہ) دونوں زبان پر ہلکے (اور) ترازو میں بھاری ہیں
سُبْحَانَ اللّٰہِ وَ بِحَمْدِہ سُبْحَانَ اللّٰہِ الْعَظِیْمِ۔
ان دو کلموں کو کہنے والا اللہ کا پسندیدہ اور محبوب ہے۔
أخرجہ البخاري في کتاب التوحید، باب: قول اللّٰہ تعالیٰ: {وَنَضَعُ الْمَوٰزِیْنَ الْقِسْطِ لِیَوْمِ الْقِیَامَۃِ} رقم: ۷۵۶۳
’’ جس انسان نے ایک دن میں سو مرتبہ سُبْحَانَ اللّٰہِ وَبِحَمْدِہ کہا تو اگر اس کے گناہ سمندر کی جھاگ کے برابر بھی ہوں تو بھی معاف کردیے جاتے ہیں۔ ‘‘
أخرجہ البخاري في کتاب الدعوات، باب: فضل التسبیح، رقم: ۶۴۰۵
سُبْحَانَ اللّٰہِ وَبِحَمْدِہ: اس کا معنی ہے کہ اللہ تعالیٰ ہر نقص سے منزہ ہے چنانچہ اس کے شریک، بیوی، اولاد اور سب رذائل کی نفی لازم آتی ہے
’’ رسول اللہ صلی اللہ علیہ وسلم نے (ایک صحابی کو فرمایا: کیا میں تجھے اللہ کی پسندیدہ کلام کی خبر نہ دوں؟ (وہ صحابی کہتے ہیں) میں نے کہا: اے اللہ کے رسول صلی اللہ علیہ وسلم مجھے اللہ کی پسندیدہ کلام کی خبر دیں تو آپ صلی اللہ علیہ وسلم نے جواب دیا: بے شک اللہ کے ہاں سب سے پسندیدہ کلام سبحان اللہ وبحمدہ ہے۔ ‘‘
أخرجہ مسلم في کتاب الذکر، باب: فضل سبحان اللّٰہ وبحمدہ، رقم: ۲۷۳۲
امام نووی رحمہ اللہ فرماتے ہیں کہ یہ آدمی کی کلام پر محمول ہے (یعنی انسان کی باتوں میں سب سے پسندیدہ بات یہ ہے) ورنہ قرآن افضل ہے اور اسی طرح قرآن کی صرف تلاوت مطلق تسبیح و تحمید سے اعلیٰ و افضل ہے لیکن تسبیح و تحمید کی وہ خاص حالت یا خاص وقت جو مأثور (سنت سے ثابت) ہے اس وقت ان میں مشغول رہنا افضل ہے۔ ( مثلاً: فرضی نمازوں کے بعد مسنون اذکار، اس وقت تلاوتِ قرآن سے افضل ہیں کیونکہ وہ اذکار اس خاص وقت میں ہی مأثور ہیں۔ واللہ اعلم)
رسول اللہ صلی اللہ علیہ وسلم نے فرمایا:
’’بلاشبہ اللہ عزوجل کے ہاں سب سے زیادہ پسندیدہ کلام یہ ہے کہ بندہ یوں کہے: اے اللہ کریم! تو پاک ہے (ہر نقص اور عیب سے) اور اپنی حمد و ثنائے جمیل کے ساتھ تو تعریف کیا گیا ہے۔ تیرا نام نہایت ہی بابرکت ہے اور تیری بزرگی و شان بہت ہی بلند ہے۔ اور تیرے سوا کوئی معبود برحق نہیں ہے۔ اور بلاشبہ سب سے ناراضگی والا کلام اللہ کریم کے نزدیک یہ ہے کہ بندہ کہے: اللہ سے ڈرو اور وہ مقابلے میں کہے: تم اپنا خیال کرو بس۔‘‘
سلسلۃ الأحادیث الصحیحۃ للألباني، رقم: ۲۹۳۹۔ نسائی، عمل الیوم واللیلۃ (۴۸۸؍ ۸۴۹)، شعب الایمان (۱؍ ۳۵۹)
Негізгі бет Tasbihat ki ahmiyat aor fawahid by Dr. Farhat Hashmi
No video
Пікірлер: 271