Облыс әкімі Нұрлыбек Нәлібаев Татарстан Республикасының Қазан қаласында Татарстан Республикасы Раисының қатысуымен өткен «БРИКС+» елдері қалаларының халықаралық форумында өңірдің инвестициялық мүмкіндіктерін таныстырды.
Форум аясында Елабуга муниципалды ауданымен бауырластық қатынас орнату туралы меморандумға қол қойылды. Уағдаластық шеңберінде «Алабуга» арнайы экономикалық аймағымен ынтымақтастық орнатып, тәжірибе алмасу басталады. Облыс әкімі екі ел арасындағы ынтымақтастық әлеуметтік-экономикалық дамуға септігін тигізетінін айтты.
Айта кетейік, бүгінде Қорқыт ата атындағы Қызылорда университеті Татарстанның бірқатар жоғары оқу орындарымен тығыз жұмыс істеуде. Татарстан университеттеріндегі қызылордалық студенттер магистрлік және докторлық диссертацияларын қорғап, профессорлар алмасу, дәрістер оқу және бірлескен ғылыми жобаларды іске асыру жолға қойылған. Мемлекет басшысының бастамасымен жүзеге асырылған «500 ғалым» жобасы аясында Қызылорда университетінің үш ғалымы ғылыми тағылымдамадан өтіп жатыр.
Сайт - qyzylordatv.kz/ru/live
Facebook - / qyzylordatv
Instagram - / qyzylordatv
Telegram - t.me/qyzylords_tv
Tiktok - / qyzylorda_tv
Негізгі бет Татарстан Республикасы мен Қызылорда облысы әкімдігі меморандумға қол қойды
Пікірлер