Јадењата со дроб обично се сметаат за специјалитети, а пилешкиот дроб ретко кој не го сака. Во оваа комбинација со неколку вида запржен зеленчук и испечен во огноотпорен сад навистина вреди да му посветите еден час од Вашето време предвидено за во кујна.
Tava so pileski drob
ТАВА СО ПИЛЕШКИ ДРОБ
за 4 лица
- 1 кг пилешки дроб
- 250 г лупени компири
- 200 г кромид
- 200 г ориз
- 200 г домати
- 150 г зелени пиперки
- 150 г моркови
- 1 лажица мешан зачин К+
- ½ лажица црвен пипер
- масло за јадење
- Хималајска сол
Потребно време за подготовка на ова јадење е 70 - тина минути.
Зовриената вода во тенџере на оган ја посолуваме. Во водата ги обаруваме пилешкиот дроб и срцата, и го тргаме тенџерето од оган.
Главиците кромид ситно ги сечкаме, ги пржиме на загреано масло во тава на оган и посолуваме. Пиперките и морковите ги сечкаме на коцки, и ги додаваме во тавата со омекнатиот кромид. Зачинуваме со мешаниот зачин К+. И компирите ги сечкаме на коцки, ги додаваме во тавата и зачинуваме со црвениот пипер. На крупната страна од рендето во длабок сад ги рендаме доматите, па и нив ги додаваме во тавата. Потоа го додаваме оризот, промешуваме и ја тргаме тавата од оган. Содржината од тавата ја ставаме во огноотпорен сад, намрсен со масло. Врз неа ги нанесуваме обарениот пилешки дроб и срцата, и преливаме со 100 мл врела вода. Го ставаме садот во рерна. Печеме 45 минути на 220 степени и го вадиме од рерна.
Чинијата за сервирање ја украсуваме со еден лист марула и сервираме од Тавата со пилешки дроб. Декорираме со една сува везена пиперка и гранчиња магдонос.
Со ова јадење ви предлагаме да се напиете квалитетно суво бело вино. Се служи на температура од 10-12 степени.
Добар апетит.
Hrana i Vino MKD
Subscribe for upcoming recipes:
/ @hranaivinomkd
Follow us:
Facebook: / hranaivino
Негізгі бет Тәжірибелік нұсқаулар және стиль Tava so pileski drob | Hrana i Vino MKD
Пікірлер