Abone OL: goo.gl/W99fFm
Copyright © ARB Şəki
Sayt: goo.gl/NfKDu5
Facebook: goo.gl/XVhVzG
İyulun 21-dən 22-ə keçən gecədən etibarən ölkənin şimal-qərb bölgəsində qeyri-sabit hava şəraiti hökm sürür. Şəkidə dünən axşam saatlarında daha da şiddətlənən yağış ve ardınca gələn sel ciddi fəsadlar yaradıb. Şəki rayonu ərazisində küləklə müşahidə olunan güclü leysan yağışları nəticəsində infrastruktura xeyli ziyan dəyib. Şəhərin əsas magistral küçə və prospektlərində asfalt örtüyü zədələnib, yolkənarı səki daşları yararsız hala düşüb. Şəki-Qax magistral avtomobil yolunun Qoxmuq kəndi ərazisindən keçən hissəsində sel suları dərin xəndəklər əmələ gətirib. Avtomobillərin hərəkətində çətinlik yaranıb. Kanalizasiya xətti çəkilən ərazilərdə avtomobillər quyuya düşüb. Qurcana çayında suyun səviyyəsi xeyli artıb, çayın bir hissəsində istinad divarı uçub. Şəhərin Aydın Məmmədov küçəsində qaz xəttini ildırım vurub. Nəticədə qaz xəttində baş verən yanğın Şəki rayon Dövlət Yanğından Mühafizə Hissəsinin şəxsi heyəti tərəfindən söndürülüb. Təbii fəlakət nəticəsində rayon ərazisində, ümumilikdə, 8 transformator yarımstansiyası ildırım düşməsi nəticəsində yararsız hala düşüb, yol kənarındakı ağaclar aşaraq 5 ədəd elektrik dirəyini zədələyib. Rayon mərkəzi və ətraf yaşayış məntəqələrində evlərin həyətyanı sahəsinə və zirzəmilərinə yağış suları dolub. Sel suları kəndlərdə də fəsadlar yaradıb. Təsərrüfat sahələri yararsız hala düşüb. Şin və Kiş çaylarında güclü axıntı müşahidə olunub, sahil bəndlərinin müəyyən hissələrinə ziyan dəyib. Hazırda şəhər ərazisinə mavi yanacaq və elektrik enerjisinin verilişi tam bərpa olunub. Selin vurduğu ziyanın araşdırılması və aradan qaldırılması istiqamətində isə işlər davam etdirilir.
Негізгі бет Tebii felaketin Shekiye vurduğu ziyan
Пікірлер: 16