9 PUPUH DURMA
MEDABDABAN I SILADRI NGANTIANG LUWAS
SOMAH NYANE MENYARENGIN
TAN SAH MENYANGKIL PIANAK
IPAHNE CERIKAN NGUCAP
MEMARGI EMBOK PANG BECIK
MADAK LASIA
EMBOK MANGIRING I BELI
10 PUPUH DURMA
MATIKESAN MEJALAN IA MANGANGINAN
MANINCAP KAGUNUNG KAWI
SARWA BUNGA NEDENG KEMBANG
UMUNG YA I TUMELILINGAN
RASA LEGA MENYAPATIN
TUR NGALAPANG BUNGA
PACANG SEKARANG MEMARGI
11 PUPUH DURMA
DADI KANTEN PASERAMANE LUWIH DUMILAH
GELUNG KORINE MANGINJIL
SILADRI SUKA RING MANAH
DADI SENGKALA DI JALAN
SOMAHNYANE NADAK SAKIT
KEBUS BUKA PANGGANG
MASIH NGELAWANIN MEMARGI
12 PUPUH DURMA
SETEKANNYA JANI DI JABAN PASRAMAN
NE LUH KALIWAT TONGADI
MEKAKEB YA DI PABINAN
SILADRI NIMBALIN PIANAK
MENYANGKIL MAPEPASIHIN
LACUR SAJA ATMA JUWITA
MENENG NAH I MEME SAKIT
13 PUPUH DURMA
KACERITA MANGKIN IDA EMPU DIBIAJA
DARMA KAYUNE SUCI
MANUJU IDA MEDAL
KACINGAK I SILADRIA
RARIS MANGANDIKA MANGKIN
IH NYEN TO MANEGAK
MANGUDA SOMAHE MATI
14 PUPUH DURMA
TENGKEJUT YA I SILADRI MANINGEHANG
LAWUT SOMAHE DUNDUNIN
KAKOCOK KABANGUNANG
SUBA LEMET TANPA JIWA
SILADRI NGELUT NGAKEBIN
NGUDA NYAI ELAS PESAN
NINGGAL PIANAK KARI CENIK
15 PUPUH DURMA LAWE
APA ADA PELIH BELINE MASOMAH
MAREPE TEKENING NYAI
DADI NYAI KALIWAT ELAS
NYAKITIN KENEH SOMAH
SOMAH ANE TERESNA JATI
YAN TUAH NYAI OLAS
BOYA AJAK BELI MATI
16 PUPUH DURMA
LINTANG OLAS EMPU DIBIAJA MIRENGANG
RARIS IDA MITUTURIN
DUH SILADRI PURNAYANG
EDA SANGET MASELSELAN
BAN SOMAH CAINE MATI
MULA TUWAH JANJINNYA
TUARA JA DADI KELIDIN
Негізгі бет TEMBANG GUNTANG GEGURITAN BALI DUKUH SILADERI EPISODE 2 FULL
No video
Пікірлер