1 SINOM PAYANGAN
PANGKAH TITIANG NGAWE GITA
KATAH SANE SALAH INDIK
PLAMPANG LUWIR ANAK PUNYAH
SAKING PANGKAH MILU NGAWI
PRAMA SASTRA TAN PAINDIK
TITIANG WANG LINTANG DUSUN
EDOH PACANG MENGRASAYANG
KADI PITEKETE SAMI
PRAYA KATUR
GAGURITAN PAKANG RARAS
2 GINADA PAKANG RARAS
WENTEN KIDUNG SATWA MALAT
MATEMBANG RONDAN SARUPIT
ANA RATU RING JENGGALA
NRUWE PUTRA LINTANG BAGUS
SAWIJI MANTRING KORIPAN
KARI ALIT
KANTUN IDA MAPINGGEL EMAS
3 GINADA PAKANG RARAS
RARIS IDA MANYUMPENA
KATURUNAN SANG HYANG RATIH
RARIS MUNGU IDA KESIAB
ELING RING NYUMPENA WAWU
BENGONG IDA RING PAMREMAN
TENGAH LATRI
RAHADIAN TAN ICE NIDRA
4 GINADA LINGAR PETAK
MANGKIN SAMPUN GALANG TANAH
MAWUNGU RAHADEN MANTRI
RARIS IDA KABANCINGAH
PAREKANE SAMPUN RAWUH
PATIH ARYA DEMUNG DEMANG
SAMI NGIRING
MALIH PUNTA LAN KARTALA
5 GINADA LINGGAR PETAK
RAHADEN MANTRI NGANDIKA
KAKA PATIH TITIANG NGIPI
NGIPI KATURUNAN DEWA
RING HYANG RATIH SEDEK DALU
NAH KAKA NYETA SWAPENA
MANGDA UNING
SAMI PADA MANYETANA
6 GINADA DASAR
KI PATIH RARIS MATURA
INGGIH DEWA RADEN MANTRI
KAYA SWAPENAN IDEWA
BECIKAN RATU MABURU
RADEN MANTRI SEMU GARGITA
NAH NE JANI
AYUWA MAMILIHIN DINA
7 DURMA
GEGANCANGAN PEJALANE TAN RERENAN
KAGIAT MARING ALAS PRAPTI
BURONE MAKATAH
PAMAN DABDABANG MABOROS
KAJA KELOD KAUH KANGIN
CICING KAANDUPANG
BRIUK SIU MELAIB BINTIT
8 DURMA
MANYUSUP IA SAMI RING TENGAHING ALAS
KAGIAT RAUH HUJAN ANGIN
JAGAT PETENG DEDET
AWUSE IA MENGAMPEHANG
KADI KAPUK PASURAMBI
AMURANG LAMPAH
TIBA MARING TAMAN SARI
9 GINADA EMAN-EMAN
TAN KOCAP IDA RING TAMAN
KOCAPAN RAKRYAN APATIH
ARYA DEMUNG MIWAH DEMANG
GUSTI NORA KADULU
RARIS SEDIH SINAMIAN
PADA NGALIH
MARING WANA MANYUSUPAN
Негізгі бет TEMBANG GUNTANG GEGURITAN BALI PAKANG RARAS EPISODE 1
Пікірлер: 2