Gaguritan
SATRIA TAMAN BALI
1 PUPUH SINOM UWUG PAYANGAN
SWASTIASTU ATUR TITIANG
RING IDA HYANG SARASWATI
TITIANG WANTAH IKATUNAN
SIDA NGAYAH KADI MANGKIN
NARTAYANG CAKEPAN NIKI
RING BABADE NIKA MUNGGUH
MANGDA WENTEN ANGGEN DASAR
TATWA SATRIA TAMAN BALI
SANE PATUT
TIRTA HARUM KAWITANNYA
2 PUPUH PANGKUR
RING PANGAWIT CARITAYANG
IRIKA MARING ULUN TUKAD MELANGIT
PRANDA SAKTI WAWU RAWUH
NANCEBANG TATEKEN IDA
NIBEN PARAS NREBES METU TOYA HARUM
DAHATING NIRMALA PISAN
AMBUNE MIYIK SUMIRIT
3 PUPUH DANGDANG
TAN DUMADE WENTEN MEDAL ANAK ISTRI
SAKING TOYA
WASTU IDA PRANDA
GELIS RAWUH NGAMARANIN
UDUH ANAK ISTRI AYU
NGUDA DEWA ADA DINI
WATEK APA SAJA DEWA
ANAKE ISTRI RARIS MATUR
SANGKANING KAWIADNYANAN
SINGGIH PRANDA
WENTEN TOYA KADI NIKI
TITIANG INUT WETUN TOYA
4 PUPUH SINOM DASAR
KEMENGAN IDA PANDITA
KETUS PIKAYUNE MANGKIN
UDUH ANAK ISTRI DEWA
SAJA BUKA ATUR CENING
ULIH BAPA CENING MIJIL
PANGA TUSING SALAH SENGGUH
ENJUNG ASTI ARAN DEWA
NE DINI CENING MALINGGIH
TIRTA HARUM
CENING NGEMIT APANG MELAH
5 PUPUH SINOM UWUG PAYANGAN
SAPUNIKA BAWOS IDA
DUMOGI IDA MEMARGI
DEWI NYUNG ASTI KATINGGAL
RING TIRTA HARUM MALINGGIH
SUENING ASUE RARIS
MIIKE NGANGSAN NGALIKUB
RAWUH MARING WISNU LOKA
SANG HYANG WISNU MANEDUNIN
NULI PANGGUH
ANAK ISTRI JEGEG NGAYANG
6 PUPUH SINOM UWUG PAYANGAN
WASTU KASEMARAN IDA
MANENG TUR RARIS MASUCI
KAYUNE TAN SIDA PASAH
RING IDA DEWI NYUNG ASTI
KADI NATAN RENGA YUKTI
KAYUNE AMBANG DIAMBUNG
TAN DUMADE METU SUKLA
WATU PARAS KATIBENIN
SANG HYANG WISNU
RARIS GELIS IDA MUSNA
Негізгі бет TEMBANG GUNTANG GEGURITAN SATRIA TAMAN BALI EPISODE 1 FULL
No video
Пікірлер: 2