Sardegna Canta 1991
Puntata dedicata ad Orgosolo.
Tenore e gruppo folk Antonia Mesina
Giovanni Pira (vohe)
Mauro Crissantu (hontra)
Fausto Carta (bassu)
Peppino Catgiu (mesuvohe)
Cantano "Bellas Barbaricinas" a bohe 'e ballu
Testo:
Bobore si ses chircande femina
abinande virtudes e bellesa,
ite nde pensas de carch'Ozastrina,
de sa Barbagia o Baruniesa?
Si ses chircand'un'isposa
Ben'in provinci'e Nuoro.
Dai Santu Tiadoro
e da Tertenia a Bosa.
Si ti cheres cojuare
no la chirches a forfè,
in Posada e in Torpè
ti faghen innamorare.
Sas de Lula e de Lodè,
Bitti, Orune e Siniscola,
pare chi non ponzan pè
lezeras paren crapolas.
In sa bassa Barunia
sinudas e primidivas
grassiosas e dechidas
tot'amore e simpatia.
Durgalesas milindrosas
ma gentiles in s'amore,
delicadas paren rosas
profumadas che fiore.
E sas fizas d'Oliena
caritundas e galanas,
paren deas Ispartanas
discendentes de Elena.
Lea sas Mamujadinas,
biancas, rujas che melas,
artas parene pandelas
e sun totu ballerinas.
Fonnesas imaculadas
chi dominan da s'altura,
misteriosas e puras
che su nie 'e Mont'Ispada.
Sas de Desulu sun raras
de divinu portamentu,
e sun chin sas de Tonara
sas reinas d'Ennargentu.
Sas d'Ovodda paren santas
ma sun trop'amorajolas,
t'amachian e t'incantan
che Gitanas Ispagnolas.
Gavoesas ohi, ohi
no nd'atzetan d'Ollolai,
ma cussas puru sun gai,
no nde cheren de Gavoi.
In su Crast 'e Pisanu
b'at sas bellas Sarulesas,
tratu seri'e galanu
de antiga nobilesa.
In Olzai sunu damas
sirenas incatadores
e focosas in s'amore
ca brujana che fiamas.
Bellas puru sas d'Ottana,
moras, biancas e rusas
paren olimpicas musas
de s'epoca Greciana.
Sas d'Orane in chistione
mustran s'insoro finesa,
e sun veras campiones
de simpati'e bellesa.
Sas bellas Mossinzuanas
chin sas d'Orotteddi etotu,
s'innamorana de botu
anim'e coro ti dana.
Unieresedda a tie
itte naro in custu cantu?
Pura, candida che nie
e meritas donzi vantu.
E sas paesanas meas
superbas Supramontinas,
si propiu non sun deas.
sun assumancu reinas.
(Juvanne Pira)
Негізгі бет Tenore Antonia Mesina e Gruppo Folk Orgosolo Bellas Barbaricinas (Ballu Tundu)
Пікірлер: 140