uraacademy.nag...
TENYIDIE KEPHRÜNUOKO KROTHO-E ( TKK ) Zhate pederüchü kesekeshüu nu mia hiediaepengou kezie vorlie. ' DIE U KELHOUBO-U ' hau pie caü chü di Rüyo 25, 2021 nhie Kewhira, AMK Kibouu nunu pebalie.
Kehouchie teiu nu Eno Meteitoulie Talie TKK Kehoukeseu bu tashü. Eno Petevilie Keyho bu Cakieu chüshü. Sükemhiei Eno Ruokuotuo Kuotsu Evangelist Koinonia BC, bu theja chashü. Kerükrü tsali Eli Neilaü Thaprü bu kelishü.
Enoli Vilhoukhoü Solo bu ' DIE KELHOUBO-U ' hau pemvü di pushü. Siro puoe rüve se seyie kekreicü pfüthe kevo nu si mu ngukelie UZUODIE ( MOTHERTONGUE) hau kekramia kijü nu vo di u die nunu kerüchükecü ketheguothor zo üsi mu mia puoe puothuo dieu la mhokuo pieliezhü isidi pushü.
Eno Vipralhou Kesiezie bu ' National Education Policy 2020 ' hau se kecapushülie. Enoli Thinuokhrieü Tseikha bu ' U Kelhouzho kevi ' hau pushü.
Eno Metuo Liezietsu bu ' TENYIDIE CHÜ KEHIEKETUOE MECHÜU ZHA ZO ' hau pushü. Seikra teiu nu Eno Thepfuneituo Talie ' Bayie Kro-u ' bu vor üli chüshü mu Eno Those Kraho BIBLE SOCIETY OF INDIA bu nounyü kezashü.
Thehesie kepethau Vizonyü Liezietsu bu ' U DIE KESEZHO ' hau se kezashü.
Dr Khrüvolü Keyho bu TENYIDIE dieyie ' URA DZE ' pie kezashü.
Dr Metseilhouthie Mor bu Ura Academy Rüpfhünuoko sounu die pushü.
Thela kehou nu Eli Keneizenuo Solo TKK Kehoukeseu kekhruohipfü bu tashü.
Kenei die Enoli Sepole Hesuh bu pushü.
Kerükrü tsali Eno Ato Nienu bu kelishü.
Siro Dr Shürhozelie Liezietsu Ura Academy Kehoukrütau mu TKK Thekrüu, pukecü dieko ( Languages) 7000 kezie keba donu rülili di jütakezhü mu huo jütaketuo kemichie kenyi thau nu baketa pushü. Puoe URA ACADEMY mhatho Dze Cayie kropuo kepu sashü di sierkezhü lau chie sashü.
Eli Kikruneinuo ZB Liezietsu TKK Thekrü bu kethezie die pushü mu Rev Mhalevilie Yongo bu thela kecha chülie.
Негізгі бет Thepfuneituo Talie
Пікірлер