Marka laga yimaado in timaha cawrada ama bisqinta ama shuunku ay ka mid yihiin calaamadaha jireed ee ugu horreeya ee lagu garto in uu wiilku qaan gaaray ama ay gabadhu qaan gaartay, haddana waxa jira in timahani ay leeyihiin ujeeddooyin intaas kasii fog.
Haddaba, waa maxay ujeeddada timuhu uga soo baxaan cawrada ama gumaarka ragga iyo dumarka?
Waxa aan fiidyowgan dhexdiisa idin kula wadaagayaa jawaabta suaashan oo kooban.
Dhab ahaantii waxa jira ujeeddooyin ama faaiidooyin dhawr ah oo ay timahan uga soo baxaan xubinta taranka ee ragga iyo dumarka waxana ka mid ah qodobadan soo socda.
Qodobka koowaad:
Yaraynta isliska
Maqaarka xubinta taranku waa mid aad u jilicsan. Timaha bisqintu waxa ay ilaaliyaan maqaarkan jilicsan, iyaga oo yaraynaya isliska xilliga galmada. Timahan waxa lagu tilmaamay inay yihiin saliid qallalan, sababta oo ah waa ay ka sahlan tahay in timo lagu xoqo timo intii maqaar lagu xoqi lahaa maqaar kale.
Sidoo kale timahani waxa ay diirimaad siiyaan xubnaha taranka aadanaha, taas oo qayb muhiim ah ka ah kacsiga galmada.....
Qodobka labaad:
Ka ilaalinta bakteeriyada iyo cudur sidayaasha kale ama jeermisyada.
Timaha bisqintu waxa ay dabaan wasakhda, burburka iyo jeermisyada halista ah kuwaas oo waxyeelleeya xubnaha taranka aadanaha.
Intaa waxa dheer, xuubka timihu waxa ay soo saaraan saliid la yiraahdo sebum, taas oo ka hor tagta inay bakteeriyadu taranto.
Timahani waxa ay sidoo kale ka ilaaliyaan dadka caabuqyo badan oo ay ka mid yihiin:
Cudurrada galmada lagu kala qaado, caabuqyada kaadi mareenka, caabuqyada uu fangasku keeno ee loo yaqaan yiist infekshanis, caabuqyada ku dhaca siilka ee loo yaqaan fajiinaaytis iyo caabuqyada loo yaqaan selulaaytiska......
Dadka qaarkood timaha cawrada waa ay xiiraan, qaarna waa ay gaabiyaan, qaar kalena waxa ay mariyaan xabagta loogu talo galay inay timaha jarto ee loo yaqaan waksin.
Fadlan, ha moogaan oo la soco qaybta labaad ee mawduucaan oo aanu mardhow soo gelin doono halkan.
Негізгі бет Timaha bisqinta ama shuunka - Waa inaad daawatid muuqaalkan!
No video
Пікірлер: 6