Win werǧin yeɣri adlis s teqbaylit, ad as-iniɣ " Talalit-iw tis snat/ Nezmer ad nedder d nekkni" n Mass Manis Ɛemriwi, ad awen yilli d taruẓi usalu i tirmit igerrzen n tɣuri n yidlisen s teqbaylit.
Tameddurt n Mass Manis Ɛemriwi d tamarkantit ama s tedyanin n umezruy, n tmeddurt-is, n twacult-is, n taddart-is, n yidles akked tin n tmetti ideg i d-yekker. Abrid-is, d amedya n lebɣi yettuɣalen d tilawt s tigawt i wumi yessa tamussni, tin i d-yugem ɣur yimawlan-is, deg tɣur-is akked tmeddurt-is deg tmurt n lalman ɣur tama n tmeṭṭut-is, Monika.
Manis deg-s afellaḥ, amaṣut, ajenyuṛ, aselmad, ababat, d amusnaw i iqedcen di tsussmi. Terḥat liḥala n tmurt-is, yettwali amek la gezzren deg-s, hemjen kra n tecrih yellan deg-s, ɣeḍlen-tt s lebaṭel d ṛehba i d-seɣlin ɣef tarwa-s. Isem n Manis, war ma yefaq iccud ɣer tmussni, acku iṣenfaren si yummnen d wid i ireṣan ɣef tmussni.
"Axxam n tmussni" d anagi ɣef leqdic-is i isarem ad yaɣ aẓar deg tudrin n tmurt n leqbayel, maca adabu azzayri d acengu n tmussni, d acengu n wid yesaɣayen tafat, n wid yezuzzuren tayri, n wid yeseɣṛasen leqyud acku ffuden tilelli, n wid i tekksen leḥjab ɣef yidles d tutlayt-nsen akken ad aɣen amkan di talsa.
Tecbeḥ tira-k a Manis, zun d tin i d lḥirfa-k, yuɛer ad namen ɣef wakken werǧin turiḍ, yuɛer ad namen ɣef akken asmi kan i tewwiḍ "la retraite" i tlemḍeḍ tira d tɣuri s teqbaylit. Seg wayen Teǧhed tira-k, tesawweḍeḍ ad d- sneṭqeḍ iḥulfan-nneɣ, acku nedder lejṛuḥ-ik, nettru leɣbayen-ik, tezza tasa-nneɣ ɣef lqerḥ d twaɣiyin teddreḍ, nerfa ɣef lbaṭṭel sɛeddan fell-ak, nennuɣna ɣef isenfaṛen yettwarekḍen, nefreh ɣef arazen i d-tḥelaḍ, n umer s tayri-k d twacult-ik yessaweḍen, nummen s tlelli d izerfan ɣef i tenuɣeḍ, imi win ileḥun ɣef tidet, yessaweḍ.
D iseɣ mi d-mmlelaɣ d wergaz d umaru i d-usudussen isenfaṛen i d-yesufɣen aɣref-is seg tudert n uẓekka yettwelih-iten ɣer tin n cbaḥa n tudert, akken tenniḍ: " Arrac ad lemden s wurar, s tzeɣwa n umezgun, ssinima, addal, deg uɣerbaz yelhan! Anda? Di tmurt i ḥemmlen arraw-is, di tmurt anda tella tlelli n uxemmem, n wawal, n tayri, n targit, n usuɣen, n usnulfu!".
Ihi, targit-ik tagjdant, ad tili s ttawil n wedlis-a, d targit n yiqbayliyen d tirni: " Ad rren Yiqbayliyen. ladɣa wid yettidiren beṛṛa n tmurt, Axxam n tmussni d asuday ( Institut) n usileɣ amsadri. Ur yettɣama ara kan i uselmed n tutlayt-nneɣ. S wallalen itiknulujiyen n wass-a nezmer ad d-nessufeɣ seg-s inelmaden ara yesɛun aswir agraɣlan."
Ad d-yas wass, a Manis, targit ad teffeɣ, tamurt n leqbayel ad t-id nessufeɣ s webrid n tmussni seg yir talit n lbaṭṭel d maḥyaf iḍulen.
Malika At Amer
Негізгі бет Timlilit d umaru n wedlis n tmeddurt amezwaru s teqbaylit, Manis Ɛemriwi (Amrioui)
Пікірлер: 30