SÃO JOÃO, ANTÍGUA NO BARBUDA, 27 Maiu 2024-Primeiru-Ministru (PM), Kay Rala Xanana Gusmão hato’o sentidu solidariedade bá povu Papua Nova Guiné, liu-liu bá vítima sira ne’ebé sofre tanba dezastre naturál iha área foho Enga, sesta (24/05).
Sentidu solidariedade ne’e Primeiru-Ministru espressa iha abertura diskursu IV konferénsia internasionál kona-bá Estadu Illa Kiik Dezenvolvidu sira (SIDS) ho tema “𝐇𝐀𝐌𝐔𝐓𝐔𝐊 𝐓𝐑𝐀𝐒𝐀 𝐏𝐋𝐀𝐍𝐔 𝐁𝐀́ 𝐏𝐑𝐎𝐒𝐏𝐄𝐑𝐈𝐄𝐃𝐀𝐃𝐄 𝐑𝐄𝐙𝐈𝐋𝐈𝐄𝐍𝐓𝐄” iha São João, Antígua no Barbuda, segunda (27/05/2024).
Kay Rala Xanana Gusmão apela bá Estadu hotu-hotu atu lolo-liman hodi apoia vítima sira atu salva sira hosi risku dezatre naturál ne’e.
BBC News Indonesia fó-sai katak, totál vítima sira ne’ebé mate no rai-hakoi kuaze 2.000-resin, hafoin akontese udan ho intesidade boot iha área Papua Nova Guiné.
To’o agora família no Estadu Papua Nova Guiné sei kontinua buka-tuir vítima sira no salva daudaun vítima sira ne’ebé sei moris bá fatin seguru inklui fornese asisténsia umanitária.
Негізгі бет Timor-Leste hato’o Solidariedade bá Vítima Dezastre Naturál iha Papua Nova Guiné
Пікірлер: 14