#thirupathi #thirumala #devastanam #திருமலை #திருப்பதி #tirupati #tirupatibalaji
திருப்பதி கோவில் கருவறையில் காலம் காலமாக நடக்கும் அதிசயங்கள் பாகம் 2
திருப்பதி திருமலை கோவில் பல அற்புதங்களுக்கு பெயர் பெற்றது. இந்த கோவில் இந்தியாவில் மட்டுமின்றி உலகம் முழுவதிலும் பிரசிதி பெற்ற புனித யாத்திரைகளில் ஒன்றாகும். விஷ்ணுவின் அவதாரம் என்று நம்பப்படும் வெங்கடேசப் பெருமானுக்கு இந்த கோயில் அர்ப்பணிக்கப்பட்டுள்ளது. இக்கோயில் ஆந்திர மாநிலம் சித்தூர் மாவட்டத்தில் உள்ளது. இந்த புண்ணிய ஸ்தலத்தைப் பற்றி பல புராணக் கதைகள் இருந்தாலும், ஒரு சுவாரசிய கதை வெங்கடேஷ்வரரின் மூடிய கண்களைப் பற்றி உள்ளது. பாலாஜியின் கண்கள் ஏன் மூடப்பட்டிருக்கும் என்பதை பற்றி இந்த பதிவில் தெரிந்துக் கொள்ளலாம்.
திருப்பதி கோவில் அதிசயங்கள் :
* திருப்பதி கோவிலின் கருவறையில் குடிகொடிருக்கும் வெங்கடேஷ பெருமாளின் விக்ரஹத்தில் இருப்பது உண்மையான முடி. இந்த முடி இதுவரை உதிர்ந்ததோ, சிக்கல் விழுந்ததோ கிடையாது. புராணங்களின் படி கர்தவன் என்ற அரசி தனது முடியை எடுத்து, பெருமாளுக்கு கொடுத்ததாக சொல்லப்படுகிறது.
* கருவறையின் மையப்பகுதியில் நின்ற கோலத்தில் ஏழுமலையான் காட்சி தருவதை பார்த்திருக்கிறோம். வெளியில் இருந்து பார்ப்பவர்கள் பெருமாள், கருவறையின் மையப்பகுதியில் நின்று கொண்டிருப்பதாக தோன்றும். ஆனால் பெருமாளின் விக்ரஹம் கர்ப்ப கிரகத்தின் வலது புறத்தில் சற்று ஓரமாக தான் உள்ளது.
* ஏழுமலையான் கருவறையில் பெருமாளுக்கு அருகில் எரிந்து கொண்டிருக்கும் விளக்கை யார் எப்போது ஏற்றினார்கள் என்பது தெரியாது. ஆனால் இந்த விளக்கு இதுவரை அணைந்தது கிடையாதாம். ஆயிரம் ஆண்டுகளுக்கும் மேலாக இந்த விளக்கு ஓய்வின்றி எரிந்து கொண்டே இருப்பதாக நம்பப்படுகிறது.
* காலை அபிஷேகத்திற்கு பெருமாளின் திருமேனியில் வியர்வை துளிகள் அரும்புவதை இன்றும் காணலாம். இந்த வியர்வை துளிகளை பட்டுத்துணியால் துடைத்து எடுப்பார்கள். அதே போல் எந்த கால நிலையிலும் திருப்பதி கோவில் கருவறையில் மட்டும் ஒரே தட்பவெப்ப நிலை காணப்படும் அதிசயமும் நடக்கிறது.
* திருப்பதி கோவில் கருவறையில் இருக்கும் ஏழுமலையான் சிலை உயிர்ப்புடன் இருப்பதாக சொல்லப்படுகிறது. ஏழுமலையான் சிலைக்கு பின்புறம் உள்ள சுவரில் காது வைத்து கேட்டால் கடல் அலைகளின் ஓசை கேட்குமாம்.
திருப்பதியில் ரகசிய கிராமம் :
* திருப்பதி பாலாஜிக்கு படைக்கப்படும் மாலைகள், மலர்கள், பால், வெண்ணெய், துளசி உள்ளிட்ட அனைத்து பொருட்களும் ரகசியமான ஒரு கிராமத்தில் இருந்து தான் வரவழைக்கப்படுவதாக சொல்லப்படுகிறது. ஆனால் வெளியில் இருப்பவர்களுக்கு இந்த கிராமம் பற்றி தெரிந்த ஒரே விஷயம், இது திருப்பதியை சுற்றி 20 கி.மீ., தூரத்தில் அமைந்துள்ளது என்பது மட்டும் தான். ஆனால் இந்த கிராமத்தில் அங்குள்ளவர்கள் தவிர வெளியாட்கள் யாரும் செல்ல அனுமதி கிடையாதாம்.
* பெருமாளின் திருமார்பில் மகாலட்சுமி இப்போதும் வாழ்வதாக சொல்லப்படுகிறது. ஒவ்வொரு வியாழக்கிழமையும் பாலாஜிக்கு நிஜரூப தரிசனம் நடைபெறும். அன்றைய தினம் பெருமாளின் விக்ரஹம் முழுவதும் திருமண்ணால் அலங்கரிக்கப்படும். இந்த திருமண்ணை நீக்கப்பட்ட பிறகு திருமாலின் மார்பில் லட்சுமியின் உருவம் இருந்து கொண்டே இருக்கும்.
காட்சி கொடுத்த பெருமாள் :
* 19ம் நூற்றாண்டில் இப்பகுதியை ஆட்சி செய்த மன்னர் ஒருவர், குற்றம்சாட்டப்பட்ட 12 பேருக்கு தூக்கு தண்டனை விதித்தார். தூக்கில் இடப்பட்டு உயிரிழந்த அந்த 12 பேரின் உடல்களும் திருப்பதி கோவில் சுவற்றில் தொங்க விடப்பட்டதாகவும், அந்த சமயத்தில் பெருமாள் காட்சி கொடுத்ததாகவும் சொல்லப்படுகிறது.
* கருவறையில் ஏழுமலையான் சிலைக்கு பின்புறம் உள்ள சுவர் எப்போதும் ஈரப்பதத்துடனேயே காணப்படும். புரோகிதர்கள் துணியால் இதை துடைத்துக் கொண்டே இருந்தாலும் அது உலர்வது கிடையாது. என்ன காரணத்தினால், எப்படி இந்த சுவரில் ஈரப்பதம் வருகிறது என்பது இதுவரை யாருக்கும் தெரியாது.
* பொதுவாக பச்சை கற்பூரத்தை கல்லின் மீது தடவினால் அதில் விரிசல்கள் விழும். ஆனால் திருப்பதி ஏழுமலையான் சிலையில் தொடர்ந்து பச்சை கற்பூரம் பூசப்பட்டால் அது அந்த சிலையில் எதிர் வேதியியல் வினைகளை ஏற்படுத்துவதோ, விரிசலோ, எவ்வித சேதமும் ஏற்படுத்துவதில்லை.
டிரெண்டிங்
வெள்ளிக்கிழமை பூஜை
ரமலான் நோன்பு 2024
திருப்பதி ஜூன் மாத புக்கிங்
ஏப்ரல் 2024 விசேஷங்கள்
Негізгі бет திருப்பதி கோவில் கருவறையில் காலம் காலமாக நடக்கும் அதிசயங்கள் பாகம் 2
Пікірлер: 1