1912 жылы 10 сәуірде алып титаникке отырған жолаушылар Британиядан Нью-Йоркке жарқын болашақ пен жаңа өмір іздеп бара жатқан еді. Өкіншке орай, кемедегілердің кейбірі үшін бұл саяхат ең алғашқы және ең соңғысы болды. Кеме Францияның Шерфур және Ирландияның Кенстон қалаларына тоқтап, әрі қарай Тынық мұхитына шықты.
20-ғасырда күн күрт жылынып, алып мұздықтар еріп, мұхиттардың бетінде қалқып жүрген еді. 14-сәуір күні кеменің радиостанциясына 7 рет алып мұздықтар жайлы ескерту келді. Бірақ, олар кеменің жылдамдығын төмендетудің орнына сол жылдамдықпен жүре берді. Дәл сол күні кеме капитаны Эдвард Фрид кішігірім үзіліске кетіп, кеменің бағытын порт экипажы Реджинальд Ли мен Фредерик Флитке тапсырады. 23:30-да бұл екеуі алдан ағарған әлденені көздері шалғандай болады, алайда мән бере қоймайды. Арада тоғыз минут өткенде, яғни 23:39-да Флит кеменің қақ алдынан, шамамен 650 метр қашықтықтан түксиіп тұрған алып айсбергті байқайды. Капитан рульді ұстаушы Роберт Хитченске бұйрықты жаудырады. «Дереу оңға бұр!» деп кемені құтқару үшін оңтүстікке беттеудің жөн екендігін айтады.
Он секундтан кейін, солға бұр деген бұйрық айтылады, бірақ бәрі тым кеш еді. Себебі, алып кемені бұру оңай емес. Сағат 23:40-та осылайша «Титаниктің» оң бүйірі айсбергке сырылып өтеді. Көп ұзамай кеме талқандалады.
Құтқару қайықтары теңізге түсіріліп, әйелдер мен балалар құтқарыла бастады. Кеме қызметкерлері адамдарды құтқаруға барынша жанталасты. Сағат 2:05-да соңғы құтқарушы қайық төменге түсірілді. Бұл кезде «Титаниктің» 80 пайызы су астына кетіп қалған-ды.
Арада жүздеген жылдар өткенде үлкен құпияның беті ашылды, қайтыс болғандардың көпшіліктері қарапайым адамдар еді. Кеме экипаждары, кейбір мәліметтерге қарағанда төменгі тап өкілдерін сыртынан қамап қойған, өзгелерге зиян тигізіп, құтқару қайықтарымен таласады ма деп қауіптенген.
Ғалымдардың есептеуінше, дәл осындай кеме кұрастыру үшін 190 миллион доллар кетер еді. Титаниктің ұзындығы - 269,1 метр, ал ені - 28,19 метр еді. Қазіргі қарапайым тілмен айтатын болсақ, кеменің биіктігі - 10 қабатты үймен тең болса, ұзындығы - 3 футбол алаңына тең. Кемені сол кезде 7 миллион 500 мың долларға құрастырған еді, ал оның жүк сыйымдылығы 46 328 тоннаға тең. Титаникті құрастыру үшін күн түн демей 3000 ға жуық адам 26 ай бойы үздіксіз жұмыс істеген. 1997 жылы бүкіл әлемге танымал Джеймс Кэмеронның «Титаник» фильмі жарыққа шықты, фильмді түсіруге 200 миллион доллар қаражат жұмсалса, ал оның қаралымы әлі күнге дейін рекордтық баға орнатып отыр, ол кезінде 1 миллиард 800 миллион доллар жинаған еді.
#афоризм #дәйексөз #цитата #афоризмдер #дәйексөздер #цитаталар #даналықсөздер #титаник #титаникқұпиялары
Негізгі бет ТИТАНИК ЖАЙЛЫ ҚЫЗЫҚТЫ МӘЛІМЕТТЕР| КЕМЕДЕГІЛЕРДІҢ СОҢҒЫ ЕРЛІКТЕРІ| афоризм| дәйек сөз| цитата
Пікірлер: 5