Tluk hi a tlu mi nih a hmaan lo ti an duh ve lo caah Daniel a tluk nak le Paul a tluknak tibantuk kha heh tiah proof nak ah hman an i zuam. Khuachia tuahmi Jesuh nih a khuachia a tthawl piak i, a tlu mi zong kha an lak chih. Bible ah biakinn chung ah tluk buin Pathian an bia ballo.
A tlu bal mi nih kan tluk hi a hmaan lo ti an theih ve ko nain an ningzak i, an tluk bal mi kha kan tuahmi a hmaan lo ti kha an i nautat caah tluk a hmaan lonak a chimmi pawl an huat hna. Mi tampi nih an tuahmi a hmaan lo an theih ve i, kan tuahmi a hmaan lo ti kha an theih i, an tuah duh tilo.
Tluk hi Pentecostal pawl nih an thawk mi a si, biatak in an tuahnak hi kum 50 fai hrawng a si. Mah hlan cu tuah a si ballo tinak. A hlei in 2010 hnu hin biatak tein a lar. Power kan ngei an ti, mi hipnak le tangka hmuhnak caah biaknak hi an hman i, mipi tampi an hlen tawn hna. Seed Faith an tuhter hna i, lawm man an pek tawn hna. Member sawhsawh nih Thlarau ngan deuh a ngeimi le Healing Power a ngei mi ah an ruah tawn hna.
Nihin tu ahcun khoika ram paoh ah a hmaan lo le Bible a si lo an fiang ngaingai cang i, an ngol thluahmah cang. Mah cucu lawmh a um ngaingai. Amah belte tuah cia ngol kha an ningzak i, an i nautat ve caah a tuah tawntu tampi nih ngol a duh lomi zong an um ve.
A hmaan le hmaan lo tahnak hi Bible a si. Bible hi kan i tlaih zungzal awk a si. A pahnihnak ah a result in zoh zungzal ding. A hmaan lomi thil cu a result a hmaan ballo i, an donghnak a ttha ballo. An rawk peng. Cucaah a hmaan mi hi zulh i zuam ko hna usih.
Негізгі бет Tluk (Falling Backward) Kong Hrilhfiah - Rev. Hoi Cung Tum
Пікірлер: 1