(тарихы)
Үкінің әнмен бірге сөз де жазатын қасиеті бар. Бірақ сирек. Қатты әсерленгенде ғана егіз туады-ау.
Астанада оқуда жүрген кезінде жазғы демалыста үлкен сағынышпен ауылына келеді.
Қыз алыспайтын ағайын Бекназар ағасының үйіндегі тойдың үстінен түседі.
Інілік ізетпен туыстық қызметін қылады.
Тойды түннің жарымында тарқатып үйіне келіп, ауладағы сәкінің үстінде масаханада әке-шешесінің ортасына жатады.
Өйткені Үкітай сол шақта әлі де бөпелігінен арылмаған 23 жаста еді.))
Бірлігі тарқамаған ауылдың тату-тәтті тірлігі, құда-құдағиларды күтісі, арқыраған би, жарқыраған жүздер, сыңғырлаған күлкілер, шаттанған елдің аурасы Үкітайды қатты баурайды.
Ел қалың ұйқыға кірген шақта Үкітай құлағы едірейіп орынынан атып тұрады да, тапырақтай басып үйге бет алады. Санасы сұңғыла, ұйқысы сергек Орынкүл анамыз оянып кетіп, "Балам-ау, не болды?" деп алаңдай сұрайды.
"Бір ән келіп тұрған сыңайлы, ана" деген Үкітай, үйге кіріп бір бөлменің есігін тарс бекітіп алып осы әнді таңға дейін жазып шығады.
Мен бұл әннің тарихын авторы Үкітайдың өз ауызынан тыңдап, "Сол тойға келген құдашалар дыңдай еді" деген әрлі-берлі әңгімелерін алып тастап жазып, өз орындауымызда ұсынып отырмын.😄
Негізгі бет "Тойға шашу"Әні,сөзі: Үкітай Айжігітұлы Ерниязов
Пікірлер: 4