Adal Adam youtube арнасына мемлекет және қоғам қайраткері, су саласының білікті маманы, еліміздің Су ресурстары комитетін ұзақ жылдар басқарған азамат Ислам Әлмаханұлы Әбішев сұхбат берді. Әңгіме барысында суға жауапты шенеуніктердің жауапкершілік алғысы келмейтіні, әкімдердің су тасқынының алдын алудағы немқұрайлығы жөнінде айтты. Төтенше жағдай министрлігі өкілдерінің «су біз күтпеген жақтан келді» деген мәлімдемесінің «ұят» екенін жеткізді. Ислам Әлмаханұлы Су ресурстары министрі Нұржан Нұржігітовтің қызметі, Қазсушар мекемесінің рөлі, су қоймаларының бөгеттерінің беріктігі туралы пікірлерін білдірді.
Сонымен қатар, Қазақстанның ескі жүйесі мұнай-газға мастанып, су ресурстарына көңіл бөлмегенін, каналдар жекеменшікке өтіп кеткенін, суға арналған қаржылар оңды-солды талан-таражға түскенін, сушы мамандар қуғын-сүргінге ұшырағанын айтты. Трансшекаралық өзендер, Балқаш көлі, АЭС салу мәселелері жайында да ой қозғады.
Ислам Әлмаханұлы «Бишімбаев ісіне» қатысты көзқарасын да жасырмады.
#ИсламӘбішев #сутасқыны #КәрімМәсімов #Бишімбаев #НұрсұлтанНазарбаев
Негізгі бет Топан су: қауқарсыз билік, шарасыз халық. Арты жақсы болса игі - Ислам Әбішев
Пікірлер: 250