@Trakinuz 2019
Instagram - / trakinuz_oficial
Facebook - / justtrakinuz
Ficha Técnica:
(Pré - Produção)Instrumental - APA Beatz
Captação - AC PRO
Mixagem/Masterização/Pós-Produção - Amaral Fortes (Golbeats)
Direcção/Produção (Video) - Clacket - The Movie Makers
Agradeçimentos:
NHA BALILA
Ely
Marco Bomtempo
Neusa Garcia
Patrick Borges
Maura (Makeup)
Dircy Bettencourt (Corôa)
Virgilio Correia
Jap Pires
Edmilson Salu
E á minha FAMILIA
Trakinuz
Sonhuz Ta Kontinua Vivu
(LYRICS)
INTRO (NHA BALILA)
En nomi du pai, du filhu, du spritu santu
Deus nhu dexanu venci porque min odja li na mi
Ma nha batalha kin batalha to ki djan venci
Ma nkre tudu ken ki sa ta batalha pa venci tb!
Desdi mininu di 10 anu, nbatalha na tudu:
na simentera, na monda, na ramonda
na karrega lenha, na karrega águ,
na bati, na batuka, na dança
na subi na rotxa, na dixi na rubera, na subi na ladera, na sai na kutelu….
VERSU I
Yoh,
Desdi putu nta alimenta 1 sonhu grandi ke vivi nha grandi sonhu sen dipendi di TIRCERU
i a kada sigundu nta kontinua ta didika pan ivita ser sigundu min nanci pa nser PURMERU
pur issu di kinta a kinta bu ta atxan na nha kuartu ta vaguea na profundezas di nha sextu SENTIDU
sen féria nen feriadu, sen sabadu nen dumingu, sen varia di-rota i sen varia di SENTIDU
fokadu, ku un só OBUJETIVU poi nha Pai xinti orgulhu di si fidju maz KANSATIVU
proval ma nha rivolta senpri tivi MOTIVU man nanci pan ser grandi i nka ta aceita menus ki issu
pur issu nrikuza panha transporti KOLETIVU n opta pa istabileçi nha sonhu komu META, YEAH
i hoji nta sunha pan vivi, oh nta vivi kel kin sunha oh nta morri ta TENTA
i nta tenta di novu,
tentativas FADJADU mi e rizultadu tudu nhas tentativas sen rizultadu
tantus portas FITXADU, entrada INTERDITADU ma hoji nta dadu xavi oh nta rabenta KADIADU
kes podi tenta baikota nha voo, ma nha avion só ta xinta na aeroportu di DISTINU
sen rendi a tenpestadi, nu ta infrenta turbulência ka ten nada ki ta amputa nos prugressu KONTINU, NAAAHHH
RIFRON
Hoji mi e un VENCIDOR
Pa bó ki nunka akridita hoji mi e un VENCIDOR (hoji mi e 1 vencidor)
Hoji mi e un VENCIDOR
Pa bo ki senpri duvida hoji mi e 1 VENCIDOR (hoji mi e 1 vencidor)
(2X)
VERSU II
Djan ripiti ropa,
djan pista sapatu, djan passa dias fobadu ma di ninguen nunka nroba
djan DURMI ku FOMI,
djan korda sen nada KUMI i uniku saída foi volta a torna DURMI,
nka dexadu fazi izami po nka paga PROPINA
nfika mi so na intervalu sen dinheru di bá KANTINA
família dan kosta mi ku barriga VAZIU
djan durmi na rua, disprotegidu ku FRIU MAH,
hoji komu KONSIKUENCIA mi e tudu i mas un poku kel poku ku ta PRIZENCIA (ku ta prizencia)
passadu foi DIZAFIADOR nfazi raiva nha konbustivel i nprendi kresçi na DOR
i nprendi supera tudu nhas guerras INTERNU
ka ten maior inimigu ki kel ki nta odja na SPEDJU,
nrifujia nhas máguas tudu na folha nha KADERNU
i kes ki ta puxan pa trás nrinuncias ku carton BURMEDJU MAH,
e FÁCIL intendi grandis guerrerus Deus senpri da kes batalhas mas DIFICIL
i nha strada di vida foi puliciadu pa SPINHU
ma mesmu ku roda fradu nunka nfika pa KAMINHU
pamó nprendi di iniciu a pirsisti si FIM
ka pára ku purmeru nau ka konforta ku ultimu SIM
pamó nsabi ma na fim,
sabor di VITÓRIA
ta kura i sikatriza feridas di TRAJETÓRIA, BREEEHHH
RIFRON II
Hoji mi e un VENCIDOR
Pa bó ki nunka akridita hoji mi e un VENCIDOR (hoji mi e 1 vencidor)
Hoji mi e un VENCIDOR
Pa bo ki senpri duvida hoji mi e 1 VENCIDOR (hoji mi e 1 vencidor)
(2X)
SPEECH
yeh irmon,
ka tem tenpestadi mas grandi ki noz vontadi di venci manu, ka tem
i akridita ma kuzas ta dipendi só di bó pa kontissi bro
tudu e un kiston di prespetiva
si bu pensa ma bu podi, BU STA CERTU
i si bu pensa ma bu ka podi, TB BU STA CERTU
tudu e un kiston di prespetiva sima nflau
SONHUZ TA KONTINUA VIVU
RIFRON (FINAL)
Hoji mi e un VENCIDOR
Pa bó ki nunka akridita hoji mi e un VENCIDOR (hoji mi e 1 vencidor)
Hoji mi e un VENCIDOR
Pa bo ki senpri duvida hoji mi e 1 VENCIDOR (hoji mi e 1 vencidor)
(2X)
FINAL
@Trakinuz2019
Негізгі бет Trakinuz - Vencidor I (Oficial Music Video by Clacket)
Пікірлер: 426