تربية النعام فوق السطح
مشروع تربية النعام
اكثر سؤال هو ينفع اربي نعام على السطوح
انا جهزت السطح لتربية اسرة نعام
السؤال ده اجابته بتزعل الناس مني لما بنقول ما ينفعش على السطح بنتسال ليه؟ واحد يقولي انا عليت السور وفرشت رمل ليه بقي بتقول ما ينفعش. وكاننا بنقف قدام طموحه. في فيديوهات كتير بتقولك ازاي تجهز السطح لتربية النعام. اعمل سور عالي وافرش رمل في الارضية واعمل مظلة وما الي ذلك. طيب تعالوا نحسبها بالعقل و حضرتك اللي تقرر في الاخر ان السطح ينفع ولا ما ينفعش. ولو قررت انه ينفع تبقى عارف الصعوبات والمشاكل اللي هتواجهك علشان تبقى عامل حسابك
حضرتك النعام عاوز ارضية رمل ارتفاعها ٣٠ سم. ماشي هتعملها وهتعمل سور للسطح عالي. ماشي دلوقتي النعام بيستهلك مايه كتير واخراجه للبول بيكون بكميات كبيرة يعني السقف هيبوظ. يجي واحد يقولي هعمل عزل تحت الرمل. اقولك اوك انت كده حافظت على السقف. لكن ما تنساش الشتاء ماية النعام مع مطر الشتاء في الايام المطرة الشديدة هتعمل روبة ماية برمل وخلافه. تحتها عزل ومفيش مصارف لان ما ينفعش مصارف في الحالات دي هتعمل ايه حضرتك. دي نقطة. النقطة التانية حضرتك حبيت كتاكبت وكبرتها وعملت اسرة على السطح وانتظرت سنوات لما اشتغلت وبعدين محتاج تخلص منهم لاي سبب من الأسباب مسافر اتخنقت الموضوع مش عاجبك اي حاجة. مش هتعرف تنزلهم من على السطح. هتعمل ايه. مستحيل ينزلو من على السلم والسن الكبير ده مش بيدبح اخر سن الذبح ١٤ شهر. هات بقى ونش وتجهيزات اغلى من تمنهم علشان تنزلهم.
دي نقطة كمان. عندك النعام كبر ووزنه تخطى ال ١٠٠ كيلو وبيجري كل شوية بسرعة يخبط في السور في إحتمال لكارثة ممكن تحصل في اي وقت. يا جماعي والله مش بقف في وش طموحكم ولا بكسر مقاديفكم لكن واجبي احط الحقيقة باينة قصاد عيونكم وحضرتك قرر ما تشاء بس تكون فاهم كويس. موضوع تربية النعام على السطح من وجهة نظري لا يتخطى الاربع شهور. حضرتك حابب الموضوع اشتري كتكوت عمر اسبوع وبيع عمر ٣ شهور اربع شهور. لما ربنا يكرمك وتاجر ولا تشتري حتة ارض اعمل عليها مزرعة بمواصفات نموذجية واشتغل صح.
Негізгі бет تربية النعام فوق السطح مشروع تربية النعام أهم المشروعات الصغيرة الناجحة
Пікірлер: 45