🏔️ მოხეური 🏔️
➡️ ცეკვა “მოხეური” (“ყაზბეგური”) სხვა ქართული ხალხური ცეკვებისაგან შესრულების თავისებურებით გამოირჩევა: მოქნილობით, სისხარტით, განსაკუთრებული სილაღითა და ვაჟკაცური იერით.
საქართველოს მთიანეთში (ხევში) დაბადებული ეს ცეკვა, თავისი შინაარსითა და ქორეოგრაფიული მონახაზით, გარკვეულწილად ასახავს კიდეც მთის ცხოვრებისთვის დამახასიათებელ მკაცრ და ხისტ ატმოსფეროს, რაც საცეკვაო მოძრაობების დინამიზმსა და სიზუსტეში გამოიხატება. მოხევეების ცეკვაში კარგად ჩანს მთის ბინადართათვის დამახასიათებელი ხასიათის სიმტკიცე და მდგრადობა, რომლის წარმოჩენაც ცეკვა „ყაზბეგურის“ (იგივე “მოხეურის”) მთავარი ლაიტმოტივია.
“მოხეური” “მთიულურთან” შედარებით, უფრო ნელა, სშუალო ტემპში იცეკვება. არსებობს მოხეური ცეკვის ვარიანტი სადაც ქალ-ვაჟი ცეკვავს. “მოხეური” ქალ-ვაჟის გარდა შეიძლება შეასრულონ ცალ-ცალკე - ვაჟებმა და ქალებმა. ცეკვაში შეიძლება მონაწილეობდეს ერთი, ან რამდენიმე წყვილი, მთელი ჯგუფი და მასა. მხოლოდ ვაჟების მიერ შესრულებული “მოხეური” (“ყაზბეგური”) შეჯიბრების ხასიათისაა.
Негізгі бет ცეკვა “მოხეური”
Пікірлер: 5