Ако сте рибар сигурни сме дека оваа Турлитава ќе ја биде и со рибата што сте ја уловиле, ама сериозно. Ако, пак, сте од оние рибари кои од срам што не уловиле ништо на враќање дома наминуваат во рибарница, сепак купете лосос.
ТУРЛИТАВА СО ЛОСОС
за 4 лица
- 600 г лосос
- 400 г лупени компири
- 400 г домати
- 300 г боранија
- 300 г грашок
- 250 г кромид
- 250 г модар патлиџан
- 200 г зелени пиперки
- 200 г моркови
- магдонос
- 3 бамји
- 3 чешниња лук
- 4-5 гранчиња мајчина душичка
- 3-4 ловорови листови
- 1 лажица мешан зачин К+
- маслиново масло
- Хималајска сол и црн пипер
Потребно време за подготовка на ова јадење е 2 ½ часа.
Зовриената вода во тенџере на оган ја посолуваме и во неа ги ставаме парчињата риба. Откако ќе се сварат ги вадиме од тенџерето и ги ставаме на чинија. На парчињата лосос им ги отстрануваме коските, а месото го сечкаме на коцки.
Главиците кромид покрупно ги сечкаме и ги пржиме на загреано маслиново масло во тенџере на оган. Модриот патлиџан го лупиме, го сечкаме на коцки и го додаваме во тенџерето со омекнатиот кромид. Пиперките ги сечкаме на парчиња, а морковите на полукругови, па и нив ги додаваме во тенџерето. Потоа во тенџерето ги додаваме боранијата и грашокот. Компирите ги сечкаме на коцки, бамјите и чешнињата лук на парчиња, а магдоносот ситно го сечкаме и ги додаваме во тенџерето. Доматите ги лупиме, ги сечкаме на коцки и ги додаваме во тенџерето. Ги додаваме ловоровите листови и мешаниот зачин К+. Листовите мајчина душичка ја кинеме од гранчињата и ги додаваме во тенџерето. Посолуваме и наросуваме мелен црн пипер. Додаваме 500 мл вода, динстаме 10-тина минути и го тргаме тенџерето од оган. Половината од содржината во тенџерето ставаме во земјана тава. Врз неа ги редиме парчињата лосос и ги прекриваме со преостанатиот зеленчук од тенџерето. Ја ставаме тавата во рерна. Печеме 2 часа на 200 степени и ја вадиме од рерна.
На чинија за сервирање ставаме од Турлитавата со лосос. Декорираме со полукругови лимон, и по едно гранче црвен босилек и жалфија.
Со ова јадење ви предлагаме да се напиете квалитетно суво бело вино. Се служи на температура од 10-12 степени.
Добар апетит.
Subscribe for upcoming recipes:
/ @hranaivinomkd
Follow us:
Facebook: / hranaivino
Негізгі бет Turli tava so losos | Hrana i Vino MKD
No video
Пікірлер