Хөл хорионы үеэр гэртээ зүгээр суухыг хүсээгүй ээ. Энэ тохиолдож буй онцгой байдалд бид хариуцлагатай байж, хөл хорионы дэглэмээ чанд мөрдөх нь чухал байлаа. Харин хэвлэл мэдээлэл, гэрэл зураг, кино уран бүтээлчид чадах чинээгээрээ мэдээллэж, бас түүхэнд хадгалж үлдэх талаар ажиллаж эхлэсэн. Эрсдэл, хариуцлага олон зүйл байсан ч зохих зөвшөөрөл, аюулгүй байдал, шаардлага зэргээ хангаад энэ өдрүүдэд завгүй ажиллаж фото болон видеогоор олон газрын үйл явцыг буулган авсан. Энэхүү баримтат кино нь Ковид-19 өвчний тархалт, эмчилгээ зэргийн талаар бус зөвхөн улс орон, аймаг сумдаасаа тасарч, ард иргэд хөл хорионд орж, ил хуль болж Тусгаарлагдсан Улаанбаатар хотын өглөөнөөс шөнө хүртэлх нам жим амьдрал, амьд дуу чимээг сонирхолтой байдлаар харуулсан Observational Documentary буюу Ажиглах төрлийн Баримтат кино юм.
Ямар нэг тайлбар, ярилцлага, хөгжим ашиглалгүйгээр хотын өөрийн хэмнэл дуу чимээгээр гэртээ байсан хүмүүст Тусгаарлагдсан Улаанбаатар хотыг ямар байсан гэдгийг харуулах бас сонсгох зорилгыг агууллаа.
Бүх дүрс бичлэг зохиогчийн эрхээр хамгаалагдсан тул бүтэн болон хэсэгчилэн ашиглахыг хориглоно.
Негізгі бет Фильм және анимация Тусгаарлагдсан Улаанбаатар / Quarantined Ulaanbaatar 2020 4K
Пікірлер: 4