Ассалаумағалейкум мұсылман бауырлар! Қабылбек Әліпбайұлы ұстаз уағыздарында айтып жатқандай, Уайым қайғысыз адам болмайды! Бәрімізге Алла сабыр берсін. Сіздің де қосатын пікіріңіз болса, коментарий жазып кетіңіз!
#уағыз #уағыздар #уагыз2023 #кабылбекалипбайулы
📌 НӘПСІ ДЕГЕНІМІЗ НЕ?
Адам баласы әу баста бойында үш ажырамас қасиетпен қоса жаратылған. Олар: иман, ақыл және нәпсі.
Осы үш қасиеттің бірі адамның бойында басым дамып, келешек тағдырында аса маңызды роль ойнайды.
Әрине, пайғамбарымыз (Оған Алланың игілігі мен сәлемі болсын): «Әрбір туылған нәресте ислам болмысымен туылады...», - деп айтқандай, адам дүниеге келгенде иманды болады. Алайда, нәресте ең әуелі тәндік қажеттілікке мұқтаж.
Сондықтан да, нәпсілік қасиеті ерте дамиды. Есейе келе аталған үш қасиет адамның іс-әрекетіне аса зор ықпал етеді.
Сондықтан болар, сахабалар (р.а.) бүлдіршін балаларына Рамазан айында мейлінше ас-сусыз жүруге түрлі ойын арқылы тәрбиелеген.
Пайғамбарымыздың (Оған Алланың игілігі мен сәлемі болсын): «Жеті жасында намаз үйретіңдер, он жасында намаз оқымаса, тәрбие үшін, ұрыңдар», - деген сөзі де жас баланың санасына имани амалдарды сіңдіре беру үшін айтылғаны хақ.
«Мунаббихат» кітабында: «Кім өзіне Алладан артық дос бар деп ойлайтын болса, Алла жайлы танымы аз болғаны, кім өзіне нәпсісінен артық дұшпан бар деген ойы болса, нәпсісін дұрыс білмегені» , - делінген.
📌 Нәпсі дегеніміз не?
Адам шынайы мұсылман болуы үшін оны өлтіру керек пе, әлде тәрбиелейді ме? Нәпсі - ол біздің болмысымыз. Адам тіпті жәннатқа да сол нәпсімен кіреді. Демек, нәпсіден бүтіндей құтылуға немесе өлтіріп, жоқ етуге болмайды. Өйткені, нәпсі - ол өзіміз. Нәпсіні тек тәрбиелеу қажет. Көбінесе, нәпсі жаман қасиеттерге бейім. Тәрбиесіз нәпсі жалқау, еріншек келеді. Нәпсі бейне бір түйеқұс тәрізді. Мына жүкті көтер десе, мен түйе емеспін, құспын дейді. Жарайды, ендеше ұш десе, жоқ мен ұшатын құс емес-пін, түйемін дейді. Нәпсіге ерік берілсе, ол үнемі жауапкершіліктен қашумен болады.
Негізгі бет Уайым-қайғысыз адам болмайды. Кабылбек Алипбайулы уагыздары. Уағыз насихат. Уагыз. Уағыздар 2023
Пікірлер