Ukraynanın artıq Rusiyanın Kursk vilayətində 28 kəndi nəzarət altına aldığı deyilir. Bu, təxminən 12 km-lik ərazi deməkdir və Rusiya rəsmilərinin etirafıdır. Kursk vilayətinin qubernatoru vəzifəsini icra edən Aleksey Smirnov bu barədə danışarkən Putin onun sözünü kəsib, sosial-iqtisadi məsələlərdən danışmasını istəyib.
Müstəqil ekspertlər isə, Ukraynanın Rusiyanın 30 km dərinliyinə sızdığını deyirlər. Putin bu gün keçirdiyi toplantıda Ukraynanın “layiqli cavabını” alacağını bildirib. Bəzi yerlərdə Ukrayna əsgərlərinin Rusiya bayrağını endirib, onu Ukrayna bayrağı ilə əvəzləməsini göstərən görüntülər yayılıb.
Bölgədə isə evakuasiya davam edir. Kursk bölgəsindən 121.000 insan təxliyyə edilib, buna 59.000 nəfər də əlavə ediləcək. Qonşu Belqoroddan da 11.000 nəfərin çıxarılmasına başlanıb. Kursk qubernatoru deyib ki, Ukrayna nəzarətində qalan 28 kənddə 2000 insan yaşayır və onların taleyindən xəbər yoxdur.
Volodymyr Zelensky şənbə günün hücumu rəsmi şəkildə etiraf edərək əsas kimi bildirib ki, Kurskdan yay boyu Ukrayna ərazisinə 2000 hücum olub. AFP-yə danışan bir ukraynalı zabit isə əməliyyata minlərlə əsgərin qoşulduğunu bildirib. Rusiya tərəfi hücumda 1000 ukraynalı əsgərin iştirak etdiyini deyirdi.
Ekspertlər deyirlər ki, Ukrayna Rusiyanın Donbass boyu irəliləyişini zəiflətmək, qüvvələrini geri çəkməsinə vadar etmək üçün bu addımı atıb.
Негізгі бет Ukraynanın artıq Rusiyanın Kursk vilayətində 28 kəndi nəzarət altına aldığı bildirilir
Пікірлер: 175